چیلینگ آغاج اویونلاریندان توخماغی اویونو

اویونا لازیم اولانلار:

1- ایکی گروه

2-چیلیک(آغاجدان یونولان 2 سانتین یوغونلوغوندا و 15 سانتین اوزونلوغوندا)

3-آغاج(آغاجدان یونولان 3 سانتین یوغونلوغوندا و 70 سانتین اوزونلوغوندا)

4-آچیقلیق بیر یئر

5-ابه(اویناماق یئرینین بیر باشیندا قازیلان بیر جولا 10 سانتین درینلیگینده و 20 سانتین گئنیشلیگینده)

*بو اویوندا ال ایاغینیزی و گؤزلرینیزی چوخ قوروماق گرک کی چیلیک دیمه سین*

اویونون قایدالاری و یاساقلاری:

1-اویونچو چیلیگی ویراندا گرک آیاغی ابه دن سوووشماسین و قاباقداکی آیاغی ابه نین دال طرفینده اولسون

2-ابه ده کی گروهون آداملاری گرک ابه نبن تورشوندان دالی و قاباقداکی لار دا چیلیگی ویراندا آزی 15 مئتیر ابه دن اوزاق دورسونلار

3-اویونچو چیلیگی ویراندا 3 هیلله(آغاجین چیلیگه دیمه مه سی) دن آرتیق ویرسا یانار و هر هیلله یه بیر دفه قاباقداکی چیلیگی آیاغینین اوستونه قویوب و ابه یه ساری آتا بیلر

4-اویونچی چیلیگی دال طرفه ویرماق حاققی یوخدور و سینیردان سووشسا یاناجاق

5- هر کس 6 مرحله اویونوسوواندان سونرا ائلیه بیلر بیر یانی(چیلیگی آغاجیلان ویرماغا ایکی الیندن بهره آپارماق) قازانسین و یا قاباقدا اولان زامان قویروق(الینن چیلیگی یئره دیمه میشدن گؤیده توتماق)توتماغا بیر یانی قازانار و هئچ اویونچو دا 3 یانیدان آرتیق اولاماز و ائلیه بیلر قازاندیغی یانی لاردان آرتیغین یولداشلارنا وئرسین و اونلاردا یانی اولسون

6-ویریلان چیلیکلر اگریئره دیمه میشدن قاباقداکی لارین اللرینه یئییب و یئره دوشسه فقط چیلیگی ویران اویونچو یانار آمما اگر قویروق توتالار ابه ده کی لرین هامیسی یاناجاق و قاباقداکیلاریلان یئرلرین گرک دئییشسینلر

7-اگر اویونون ایچینده چیلیک سینسا چیلیگین بویوک پاراسینین یئریندن تزه چیلیگی ابه یه ساری آتارلار

8-ابه دهکی اویونچی چیلیگی یئره ویرماق(سالدیرماق)حاققی یوخدور و گرک گؤیه ساری ویرسین

9-یانی یا چاتانلار 3 مرحله چیلیگی(حاجی یانی،قولی قیچی،دیریله مه سی) ویراندان سونرا یانیلان یولداشلارینی دیریلده بیلرلر

اویونون باشلانماسی:

1-اولده ابه ده دایانان و قاباغا گئدن گروه بیلینر

2-ابه نی توتانلار دنه دنه باشلارلار 6 مرحله نی گئدسینلر تا بیر یانی قازانسینلار کی اونون اوچ مرحله سی گرک بیر اللی اللرینین اوستونه قویولان چیلیگی گؤیه  آتسینلار و همن اللرینده کی آغاجیلان انو قاباغا ساری ویرسینلار سونرا اگر چیلیک قاباقداکی لارین اللرینه دیمه یه یه توتماسالار آغاجینی قویاجاق ابه نبن اوستونه وقاباقداکی چیلیگی الینن آتاجاق اگر اونون آغاجینا دیسه ابه ده کی یاناجاق و او بیریسی یئرینی آلاجاق و دیمه سه اوچ مرحله ده دوام ائده جک تا ایکینجی اوچ مرحله یه چاتسین ایکینجی اوچ مرحله ده اویونچو ائلیه بیلر بیر الینن چیلیگی آتسین و اوبیری الینن ویرسین کی بوجوردا چیلیک چوخ مسافه نی قاباغا گئدر و بوردا دا اگر چیلیک گؤیده توتولماسا یه اللرینه دیمه سه قاباقداکی چیلیگی ابه یه ساری آتار آمما ابده کی چیلیک یئرده دایانمامیشدان گرک قویماسین چیلیگین فاصیله سی ابه دن بیر آغاجدان آز اولسون یوخسا ابه ده کی یانار ایندی هر اویونچو آلتی مرحله نی سوواندان سونرا بیر یانی قازانار و اوندان سونرا تا یانانا قدر ائلیه بیلر چیلیگی ویرماغا ایکی الیندنده بهره آپارسین

3-اوبیری اویونچولاردا بو آلتی مرحله نی گرک سوسونلار یوخسا اوبیری نوبتلرینده گرک اولدن باشلاسینلار مگر قاباغا گئدندن سونرا قویروق توتالار یا اوبیری یولداشلاری یانیلارینین بیریسینی بونا وئره لر

4-ابه ده کی اویونچولار هامیسی یاناندان سونرا یا قاباقداکیلارین بیری قویروق توتاندان سونرا ابه ده کی لرینن قاباقداکی لارین یئرلری دئییشیلر

5- و بو اویون دوام ائدر تا قاباقداکیلار یرولوب و کؤسینلر و گلیب ابه نی اؤپه ندن سونرا اویون قورتارار