آغاج آتدی -آخدیریم آغاج اویونو

اویونا لازیم اولانلار:

1- آزی اوچ نفر اویونچو

2- آغاج(آغاجدان یونولان 3 سانتین یوغونلوغوندا و 150 سانتین اوزونلوغوندا) هر نفره بیر آغاج

4-آچیقلیق بیر یئر

اویونون قایدالاری و یاساقلاری:

1-آغاجلارین اینجه طرف لری باش طرفی ساییلیرو اویونچولارین اویونو باشلاماق ساییسیدا آغاجین باشی آغاجلاری آتانا یاخین اولماقدادیر

2-اویونچو هاققیجی(بیر آیاقلی) گئدنده آیاغی یئره دینده یانار

3-اگر اویونچو آغاجینی آتا و چیلیگه دیمه یه یانیر و اوبیری اویونچو اویونو دوام ائده جک

4-اویونون مرحله لرینی گئدن اویونچو آغاجلارین هربیریسینی ایسترسه آرادان گؤتوره بیلر

5-آغاجلارین اویونون ایلک باشلانیشیندا دوزولمه مسافه سی آیاق یاریمدیر

6-سونوندا ایکی آغاجین مسافه سی بیر بیریندن یا قاریش (وجب) مسافه سینده دیریا قولاج(اللرآچیلاندا اورتا بارماقلارین اوجوندان بیر بیریندن مسافه سی)

اویونون باشلانماسی:

1-بو اویوندا اویونچو لارین کی هره سینین بیر دنه آغاجی واردی و هامی دا اؤز آغاجینی تانیر وئرر لر اویون چولارین بیریسینه و او اویونچوگؤزلرینی یوموب و آغاجلاری الینده قاتیشدیریب و دالین میدانا ساری دوندریب و آغاجلاری باشینین اوستوندن آتار دالینا

2-هر کس کی اؤز آغاجینی تانیر ترتیبیلن هر آغاجین باشی آتان اویونچویا ساری اولورسا اونون سیراسی اوبیریلردن اویونو باشلاماغا قاباقدیر

3-آغاجلاری آیاق یاریم مسافه ایله بیر بیریندن یان یانا دوزرلر

4-اول مرحله ده ایلک اویونچوقاچارو اول آغاجین دالیندان آتلانار وسونونجو آغاجین اوبیری طرفینه بیر آیاقلی(هاققیجی) دوشروایکینجی مرحله هاققیجی آغاجلارین آراسینی بیر به بیر دولانیب چیخار او باشا سونرا قاییدیب بیر به بیر آغاجلارین آراسیندان آتیلار سونرا قاییدیب یئرده کی آیاغین آغجلارین بیر به بیر اوستونه قویوب و اوباشا چاتار و آغاجلارین هر بیریسینی کی ایسته سه آرادان گؤتورر و اگر گئدنمه سه اویونو وئرر ایکینجی اویونچویا کی اویونو دوام ائه و بئله لیکده اویون دولانار تااویونچولارین هره سی بیر آغاجی گؤتورر و یئرده بیردنه آغاج قالار و هرکیمین سیراسی اولسا اونا شاپبا ویرارلار

5-اول ده تاپتانمامیش اویونو اوتوزان اویونچویا بیر قاچاجاق یولو وئررلر و ایکی آغاجی گؤتوررلر و اوتوزاندان سورارلار کی قاریش یا قولاج یانی ایکی آغاجین مسافه سی بونلاری هانسی اولسون و اودا بیرین سئچندن سونرا ایکی آغاجی قویارلار و بومراحیلی اویونچو گرک بو ایکی آغاجین اوستوندن گئدسین اگر گئدنمه سه بیر دنق قئییشیلن سول بیله یین باغلارلار سول قیچینا و دؤوره لر لر و بئلینه ال شاپبا سی ویرار لار تا اوزامانا کی الی باغلینین او بیر الی دیسین بیر آیریسینا اوندادی کی اوبیریسینی باغلارلار بونون یئرینه و اونو تاپتارلار