گولمه ییر باهار

بیلمه ییرم ندن گولمه ییر باهار

شاختانین قورخوسو جانیندا هله

نه قده ر قونچالار آچمایاجاقدیر

بویاندان سون باهار ایسته ییر گله

اوره یی داریخیر چیچک دن ساری

وحشی یئللر اسیر سس سیز باهاری

هاچان ارییه جک داغلارین قاری

گونئی بوزلاری نین باغرینی دله

قارا کول تیکانی بوغور یئل سسین

اؤزگورلوک نغمه سین نئجه سؤیله سین

اسین یئللر اسین آی یئللر اسین

قوی باهار اویانسین بزنسین گوله

بولود بوقچاسیندا گونش وئره جک

گؤزله ییر گؤزله ییر گؤزله ییر چیچک

باهار مئوسمینده آچیلسین گره ک

قوورولموش قونچاسین وئرمه سین یئله

                                                                              یوسف جوادی -یاز94