اوروان دره سی

داغلارین دؤشونده بیر یئر بولموشام

داملا چیلتیک چالیر قمیش اویناییر

دالغا قاریشلاییر قایانین دؤشون

ماوی شلاله لر داشیر قایناییر

داغلارین دؤشونده بیر یئر بولموشام

ائله سن تانرینین یادیندان چیخیب

یوخسا جننتی نی یارادماز بوردا

یاریلان دره لر باغرینی سیخیب

لاله لر اود توتوب ایسلانیر اوردا

قونچالار ساللانیب داغ یاناغیندان

تورشک لر سریلیب خشلله ننده

اؤپور یاواشجادان گول دوداغیندان

ماس ماوی گؤیلرده گلین بولودلار

قایالار باشیندا تاباق گزدیریر

گیزلینجه تانرینین گؤزوندن ایراق

چیخاریر چاخیرین سیزقا سوزدورور

قاریشقا دیشله ییر اوشاقلیغیمی

داغلارین دؤشوندن شعریم ایریلیر

آغزیم آچیق قالیر سوزولور دؤشدن

سپه لیر شعریمی یئله سوورولور

اؤتور هرزادی گل ماهناسیز گئده ک

چیلغین یئل گونشی نئیله سین آخیر

داغلارین دؤشونده بیر یئر بولموشام

آغاجلار گونشه بویلانیر باخیر