چیچکلر

چیچکلر چکمیشم دفتریمده دیر

قویموشام تاقچایا پاییز بیلمه سین

پئنجره دن اسه ن یئل تاماهلانیب

چیچکلری دفتریمدن سیلمه سین

قوشلار پئنجره نی آچیق قویورلار

یئل ویریر دفتری تاقچادان سالیر

سوورولور شعریمین سولگون گوللری

آغاریر دفتریم چیچک سیز قالیر

ایندی من باهارا نه دئیه جه یم

آغارمیش دفتره گؤز یاشین تؤکم

سولگون گوللریمین توخومون سپه م

باهار گلمه میشدن چیچه یین چکم