اؤلمه سین باهار

قیرلی فیرلی گلیر موشدولوق وئره

سون باهار مئوسمی گولمه سین باهار

خزان یاندیریب دی قول بوداغیمی

دئیین قوجاغیما گلمه سین باهار

او بیر گول دئییل دی واخت سیز اویانسین

آیاقدان دوشموشم قویما دایانسین

گلمه سین آرخامجا سئوگیمه یانسین

سارالان سیرریمی بیلمه سین باهار

اونون گوناهی نه یئللر اسنده

قوورولور یارپاقلار کول اولور منده

اوره ییم دولاجاق باهار گلنده

آخان گؤز یاشیمی سیلمه سین باهار

یاشیل یایلیغیندا گونش نور ساچیر

خیالیمدا باهار قوشلاری اوچور

گلیر یاواشجادان کونلومه کئچیر

ارلسم اوره ییمده قالماسین باهار

ایندی دن گئدرسم باهار تک قالار

سیز الله قویمایین ساچلارین یولار

آغاجلار سارسیلیب یارپاغین سالار

خزل ده قویلانیب اؤلمه سین باهار

یوسف جوادی