پیلو ضیافتی(حئکایه)

پیلو ضیافتی(حئکایه)

پاییزین سون گونلریدی،سئرچه لر دن سیزله میشدیلر و یئرده قالان دن-دوشدن دنله ییردیلر ،هردن قارپاغی تؤکولموش آغاجلارا قونوردیلار،هردن ایسه زینه بولاق دان سو ایچیب دنله سیردیلر.اورادا قوراخلیق اولدوغونا گؤره کؤچری قوشلار اوچوب گئتمیشدیلر و چارا سیز قوشلار قالمیشدیلار.قارقالاردا بیریسی ده ...ضیافتین دن تزه قورتولموش دئیه.سئرچه لرین باشینین اوستونه قونوب دئدی:بورا دا سیزه دن دؤشورمک دن نه چیخار.گلین گئده ک تای قولاق آدامین تارلاسینا،ره به ره یئمه لی لر واردیر.سیزده باشینیزی سالین آشاغا.بیر اوجدان یئیین.نه ایشینیز واردی اؤزونوزو یوراسیز.وبونا تای سؤزلردن ائله کی سئرچه لرین آغزی آچیق قالمیشدی.بایقوش اوزاقدان بوسؤزلری ائشیدیردی و یوللارجا قارقانین پوخ یئمه گینی گؤرموشدو،اونلارا یاخینلاشیب دئدی:بالالاریم قارقانین باشینا جومالاشیب سؤزلرینه اینانمایین و اؤز دن-دوشونوزو دؤشورون.گئدرسیز اورادا تای قولاق آدامین تورونا دوشرسیز بیلیرم بالا سیزده گوناه یوخدور،ایللر بویو دور آجیخمیش سئرچه لره دیمدیگی پوخلو قارقا پیلو ضیافتین دن دئیه ر.

یوسف جوادی