کول همن کول باش همن باش

یادیندا چایدا دورموشدون

کؤلگه نی داشا سرمیشدین

ساچینی یئله وئرمیشدین

سئوگی وئردین بیلنمه دیم

چای همن چای داش همن داش

ایندی او چای سنسیز آخیر

داش باشینا گونش تاخیر

آخار سولار منه باخیر

کول باشیما گلنمه دیم

کول همن کول باش همن باش

گئتدین یولونو گؤزله دیم

سولاردان سنی ایزله دیم

قوجالدیقجا سنسیزله دیم

سن آخیردین سیلنمه دیم

گؤز همن گؤز یاش همن یاش

یوسف جوادی