کؤلگه سیز مزارلار سارایی تهران

دیندیرمه گولللنن گوللر یاتیبلار

کؤلگه سیز مزارلار سارایی تهران

شهرین کار قولاق لاری یاتیبلار

گیزله دیب اؤزونده هارایی تهران

شام آغاجلارینین بوداقلاریندا

مزارسیز قوشلارین یوواسی قالیر

قرنفیل قانامیش دوداقلاریندا

ساری کؤینه ییمین هاواسین چالیر

آیاق اوسته اؤلن فهله لر تئزدن

آسیلیر اتوبوس آسقیلاریندان

آزادی اورادا یاری قورشاقدان

قورقوشون یاغیری در دوواریندان

قاراما چیخاریر یول چیراقلاری

گونشین دیه رین ندن بیلمه دیک

قارانلیق یوللاردا آیاق سورودوک

گؤزوموزه یاتان توزو سیلمه دیک

ماس ماوی گؤیلرده اوچان قوشومون

قانادین باغلاییب ائوینه سالدین

ائوین ییخیلایدی تهران سارایی

ندن وارلیغیمی الیمدن آلدین

یوسف جوادی