آلنی قاشقا دایچا

هاوا یاواش-یاواش قیزماغا باشلامیشدی،گونش یاستی لانا- یاستی لانا داغلارین گلینلیک دونلارینی چیخاریردی.وحشی آتلار مه لی یاماجلاردا نوخداسیز-یهرسیزال-اله قالخیب کیشنه ییردیلر.بورنو یئللی کیمسه یه مینیک وئرمه دن،کیمسه نین اللری یاللارینا توخونمادان کویویوب قاچیردیلار.وحشی آتلارین ایچینده بیر آلنی قاشقا دایچا واریدی هردن یولونو اوبیری آتلاردان آییریردی و قاراچیلارین اوباسینا ساری گئدیردی سونرااوزاقدان اوزاغا اوباداکی آتلارین زور دورومدا یاشامی نی دویوردو.  

اوبادا یاشایانلار بو مسله نی بیلمیشدیلر و دایچانین اوبایا گلیب حئیوانلارینین کویولندیرمه سیندن قورخوردولار.اونا گؤره بیر گون اوبایا اؤیرنمیش دایچالاریندان بیریسینی چؤله بوراخدیلار بلکه آلنی قاشقا دایچایلان اینیشیب بیرلیکده اوبایا ساری گلندن سونرا دایچانی توتسونلار.آلنی قاشقا دایچادا ایستی سویوغا دوشمه‌دییینه بو دوزاغا دوشدو و نه قدر ال- آیاق چالدی اؤزونو قورتارانمادی.

دایچا توتولاندان سونرا گؤردو،او سیخینتی دا یاشایان آتلار،آخشاما دک یوک داشییاندان سونرا،نوخدالارینی بوراخسایدیلاردا،اوبادان قاچماییردیلار.آخی اونلار بو یاشام طرزینه عادت ائتمیشدیلر.دایچا اونلارین آتلارینی کویوکلندیردیینه گؤره،اونو بیر یئره گؤندردیلر اورادا کویوک آتلاری اوقدر قیسقانج دا ساخلاییردیلار،بلکه بورونلارینین یئلی آلینسین.بودورومدا اؤلن لری ایتیر- باتیر ائله ییردیلر.قالانلارین دا کوره یینه داشقا ،آغزینا توربا ،گؤزونه گؤز اؤرتویو سالیر‌دیلار،بلکه دؤرت-‌دؤره لرینی گؤرمه دن یانلیز قاباقلارینا باخیب یوکلرینی داشیسینلار.آلنی قاشقا دایچا ایسه اونلارین ایچینده قالیب بؤیوموشدو و اؤزونه گؤره بیر آت اولموشدو آمما داشقا چچیینینده،آغزی تورباسیندا ،گؤزاؤرتویو گؤزونده یالنیز قاباغا باخیردی.

یوسف جوادی