آرامیزدا مسافه وار
اوتایدان ایزله ییر هله
پیکاسونون گؤیرچینی
للگی دوشمه سین دئیه
بو تایدا قوورولور یانیر
ساداکو*نون دورنالاری
آرامیزدا مسافه وار
بو تاییندا قورشون یاغیر
اوشاقلارین دفترینه
او تایدان ایزله سین هله
کانتین** قالارغی صولحون
کیتابی توز یئیه یئیه
آرامیزدا مسافه وار
آرین آرخایین ایزله سین
او تایدا صولحون بایراغی
هئچ قونداغین توستوسونه باتمایاجاق
کؤینه گینی گئیه گئیه
آرامیزدا مسافه وار...
(یوسف جوادی)
*ساداکو ساساکی ژاپونیا اؤیرنجی سی هیروشیما ساواشیندان قورتولانلاردان بیری
**امانوئل کانت1795 آلمانیا فیلسوفو "قالارغی صولح"کیتابینی یازدی
ترکی آذربایجانی
تورکجه شعرلر
حکایت لر
اعضای انجمن(160)
usef1 )
خانه
مطالب(202)
دوستان (102)
گالری تصاویر (144)
کلیپ‌ها (13)
نظرسنجی (1)
چگونگی درج آگهی در سایت و قسمت تبلیغات
سایت و اپلیکیشن آموزش زبان انگلیسی urg.ir
تلگرام 
فیسبوک
تویتر
کاکتوس