کانسر

سونولور بوتون دونیادا کانسر(سرطان)آغریسینی چکن اینسانلارا

کانسر

تئخنیکا سولوحو سورور قانیمی

سوزولور گؤزومون یاشی گؤینه ییر

ائله بیل کی درده تامارزییمیشام

گؤرنه یارالاریم ناشی گؤینه ییر

قویما کپنک لر آغریمی بیلسین

دیله گین حسرتین گؤزومدن سیلسین

هر یانیم یارادی قوی آنام گلسین

یانیر اوره گیمین باشی گؤینه ییر

شاختا چیچگی یم سولمارام هله

باهار گلمه یینجه گولمه رم هله

تئزدی یاشایاجام اؤلمه رم هله

یوخسا مزاریمین داشی گؤینه ییر

سولوح:زالو

 کانسر:قانسور،سرطان

تئخنیکا:فناوری

         ***   

                                               یوسف جوادی