قارقایلان قوشلار(طنز)

قارقا دیمدیگینده بیر پوخو قوشلار

گؤروب دانلادیلار یئمگه باشلار

دئدیلر بو ووقار قوشلارین واردیر

سنیله یاشاماق بیزلره آردیر

دیللندی گؤزلری یاشلانان قارقا

همشه خالقینا داشلانان قارقا

دئدی نه آرخام دا بیر کسیم واردیر

نه بولبول سایاغی خوش سسیم واردیر

نه کهلیک لر کیمی یئریشیکلی یم

نه دورنالار کیمی دوروشوقلویام

هئچ نه یین اتینه دیمدیگیم باتمیر

جیرناغیم داغیتمیر قانادیم چاتمیر

یئدیلر هر نه یی من باخاباخا

گؤزله دیم بیرینین بیر پوخو چیخا

بئله ده هر نه یی چکسه لر پوخا

قورخورام بو پوخ دا الیمدن چیخا

یوسف جوادی