آی یازیق ننه م

 

آی ننه سنه بیر قوشما بوشلویام

 

بیلمیرم گیله سی هاردان باشلایام

 

قویگینان سینه نین اوجون دیشله یم

 

دادماسام قلمیم یازانماز ننه م

 

یامان گونلر منی گؤر نئجه سیخیب

 

سوتونون تامی دا یادیمدان چیخیب

 

اؤلمه ییب سن، الله، اوزومه باخیب

 

یوخسا گؤز یاشیمدا سوزنمز ننه م

 

گؤزونو قاپییا تیکن اوی ننه

 

آغریلار بئلینی بوکن اوی ننه

 

گیزلینده دردیمی چکن اوی ننه

 

الینی دوعادان اوزنمز ننه م

 

گره ک کی تندیرده یانئیدی ننه م

 

بلکه ساریلیغین دانئیدی ننه م

 

مامان دئییلدی کی ننه یدی ننم

 

عؤمرونده بیر یولدا بزه نمز ننه م

 

نه اولار ننه دی کدرین سیلدیر

 

اؤلونجه ننه مین اوزونو گولدور

 

آی تانری ننه می مندن تئز اولدور

 

یوخسا اؤلومومه دؤزنمز ننه م

 

(یوسف جوادی)