ساوالانئم
کوسمه مندن آی آخار چشمه لرون شوخ ساوالانئم
سارئ کوینک، گؤزی گؤ،سینه سی غم سازئ چالانئم
آق بولوددان سووشوب زیروه سی، گؤ تک اوجالانئم
بیر اووج ایستی سویوندان وئر ایچیم گوی هاوالانئم
کهنه درد دن داوالانئم
های نه سسدی دیه سن آرخام اَمک دوزلئ سهندیم
اویانئب، اوسون اَلیندن، قارا قاش گؤزلئ سهندیم
چن بولوددان دانئشئر سلسبیلون،سوزلئ سهندئم
دئشیلن سینه سی اوددان یارادان کؤزلئ سهندیم
دئگینن سؤزلری قندیم
سال قولون بوینئما ساخلا بولودئ گؤدن اَلَنسین
یانقودئ اورمی گولی داغلارا یاغدئرشپه لنسین
آریسین، توققا وئرئب، داشلار آرازدا لپه لنسین
پاتلاسئن داشلار ایچینده،یئره اودلار سپه لنسین
سرئین ماوی بزنسین
نیه بس آق پاپاغون باشدا سهند آرخا بوکولدئ
داغئلئب داغ دایاقون اَرک ده، اَللرده سوکولدئ
ستارئن یادئگارئ ،بایقوشا ویرانه تیکیل دی
پوزولان بوستانا بنزر چونه تالانه شکیل دی
اورادان شوکت اَکیلدی
سنی منئله، قوشاقار داش، گونشه تانرئ یارالدئب
او کی بایقوش سانئسان،تاقلارئ بوستاندا سارالدئب
آغارئب باشدا ساچئن،دوشلری قاپ قاره، قارالدئب
دوت اَلیمدن ساوالان عرصه نی شیطاندئ دارالدئب
ماوی گؤز باشدا یارالدئب
سن قوجالسون دا آدئن ائل داغی دیللرده سهندیم
حله ده چشمه لرین ایستی سویئ قاینئر اَفندیم
سنی من داغلار ایچیندن سئچیب ائلقاره بَیَندیم
اَلئنئ وئر اَلیمه،قووزا باشئن ،عرشه کمندیم
ائلقارئن یایلاقئ کندیم
ساوالان عفو ائله مندن قوجا واقتئمدا خاطانئ
اَهرین ،ورزیقانئن، داملارئ دئپریمده باتانئ
کیم اویالدیدئ بو ایللر بویئ دوشلرده یاتانئ
قوروسون اَللری بو آیرئلئقئ دوستا ساتانئ
آرامئ سنله قاتانئ
ساوالانیله سهندین بیر بیریسینه دیله گی یوسف جوادی-1393 یازئندا
اعضای انجمن(324)
انجمنین قانون لاری
ائلی میانالی
usef1 )
خانه
مطالب(202)
دوستان (102)
گالری تصاویر (144)
کلیپ‌ها (13)
نظرسنجی (1)
چگونگی درج آگهی در سایت و قسمت تبلیغات
سایت و اپلیکیشن آموزش زبان انگلیسی urg.ir
تلگرام 
فیسبوک
تویتر