گوللر غزلی
دویونجاق باده ایچمیشدیم سحر تئزدن آییخمازدئم گؤرَم زولفون هؤرن چاغدا اوتوردوم بیرغزل یازدئم
من آنجاق بیرده بیلسایدیم آخارمئش قان اوگؤزلردن ا,یاردئم باده عشقینده بو شعری بیرده یازمازدئم
قارازولفونده هر ساچدان تور آتمئشدئ منی توتسون قاباخدان باده توتموشدئ آییخسایدئم توتولمازدئم
دوشوب چول لرده آخدارما یانئن دا اَیلَشیب لیلا دلی دیم من کی مجنونی اؤتوردوم چوللره آزدئم
دالیجاق چوخ سوروندئم کی تاپام بیر یول قارانلئقدا جئزئق سالمئشدی هر یاندا بیلیدیم یولدئ آزمازدئم
گولیدی هر یئره باخسان او آغ تورپاغئن آلتئندا چئخردئ دسته دسته گول،له لَنمیش هریئری قازدئم
باخاندا یئر لالا قاندئرچَک اوستون دردی دئشمزلر آچئلسا گوللَنَر گوللر بیلیدیم گولدی قازمازدئم
باشئمدان باده اوچموشدئ سازئمدان پرده قاچمئشدئ هایاندا کئفلی سن ساقی یئتیر سن باده اوچمازدئم
یاناندا سینه سوزلردن دامئزلار دامجئ گؤزلردن بولود قالخاردنیزلردن ایچیدیم بیرده یانمازدئم
یامان کئفلنمیشیق بوردا یاتانلار یئرده دورموردا ائشئق سالسا سئویل یوردا گئدردیم یول دایانمازدئم
خوروز بانلیر دووارلاردا اویانسئنلار یاتانلاردا گونش گیزلیندی داغلاردا یاتان یئرده ا,یانمازدئم
آغاردئب ساچلارئ باشدا یاتئب فرهاد سوپات داشدا شیرین اویموش قلم قاشدا توتاردئم توردا قورمازدئم
قارالمئش قان دوداغئندا سارالمئش گول یاناغئندا یئرین ایستی قوجاغئندا یاتاردئم بیرده دورمازدئم
یوسف جوادی 1393 ایجی ایلین ایکینجی آییندا