سینیق کورپو

سینیق کورپو

بیری سی واریمیش بیری یوخوموش

الله دان سونرا کیمسه سی یوخوموش

بیر یوردوم واریدی میانا آدلا

آذربایجان کامانیندا اوخوموش

یول چکدیلر دروازادان گئچمه دی

کیمسه چونوب باغلی یولی سئچمه دی

توکانچی لارقاپ باجاسین باغلادی

گول داشلاندی کیمسه چلتیک بیچمه دی

بئکارلیقدان دام دووارلار سوکولدی

بویدا بویدا آپارتمان تیکیلدی

باش قاتمادان آلیش وئریش یاراندی

یوخسوللارین یامان بئلی بوکولدی

چورک چیخان دمیر یوردون ساتدیلار

بیردن بیره بئش مین نفر یاتدیلار

سس سیز قالدیق اَلدن بیر شئی گلمه دیر

میانانی بیر اَللی اویناددیلار

هر طرفدن یول باغلی دیر گلن یوخ

سوسقونلوقدان دردیمیزی بیلن یوخ

سینیق کورپو بیر شئی بیلیر سینیبدی

هئچ بیر یاندان گؤز یاشینی سیلن یوخ

تئز دیر هله گوزله بیردن دورارسیز

آماندیرها بیردن جوما قورارسیز

ایش بیلنلر تئز تئز گئدیر مجلیسه

شیکایت مکتوبون یازیب بورارسیز

رایین آلمامیشدان یوموروق دؤور

هامی نی یامانلیر دالدادا سؤور

الله رحمت ائدسین میانا اولدی

آی مئشه نادیر بیر فاتیحه چؤور

یازارام دفتره قانیمین رنگین

قولام یاحیانین هی سوسقون توفنگین

قیز قالاسیندان بی یادیگار قالیب

سیندیرمز بو میللت دیلنمک ننگین