اذربایجانین گوللو وچیچکلی باغبانی کیمدی؟؟؟؟؟

دکتور محمد رضا باغبان کریمی

 

محمد رضا باغبان کریمی(م.کریمی)
دوغوم 1334  تبریزده

« ژورنالیست،شاعیر،یازیچی،ادیب،آراشدیریجی، ... اوره یینده هر زامان آذربایجان عشقی ایله یاشایان بؤیوک بیر اینساندان صوحبت گئدیر. محمدرضا باغبان کریمی یاخشی دئسم گولو چیچکلی آذربایجان ادبییاتینین کئشیین چکن باغبان، آدینی هر زامان چئشیدلی یازیلاری الوان الوان کیتابلاری ایله گؤروب اوخویوب دینیب دانیشمیشیق.

قاچاق نبی، کوراوغلو حماسه سی، نیظامی گنجوی، عمالدین نسیمی، سیمای زن در فرهنگ و ادب آذربایجان، زبان ترکی در بوته ی زبانشناسی تطبیقی، قره باغ شاعیرلر مسکنی، 50 دن آرتیق ثمرلی کیتابلار هابئله یوزلرجه مقاله م. کریمی جینابلاری نین نه قدر اوره ک دولوسو صمیمییتله چالیشقانلیغینی گؤستریر. یقین م.کریمی نین یئدی جیلدده یازدیغی آذربایجان ادبییات تاریخی، ادبییات باستان آذربایجان، ائله جه ده ایسلام تورک دونیاسی ادبییاتی ادبییاتیمیزدان باشقا، کیملیغیمیزی، وارلیغیمیزی تانیتدیرمادا اؤنملی رولو اولوب اولاجاق.

دوقتور کریمی دیگر ساحه ده یوزلرجه آذربایجان شاعیرلریندن، یازارلاریندان سؤز آچیب خالقیمیزا کؤلتورومیزه عایید بؤیوک اونودولماز بیر ایش گؤروب. او نسیمی، شاه ختایی، فضولی، آشیق پاشا، قاضی احمد برهان الدین، خاقانی شیروانی، حکیم هیدجی، صمدوورغون، ابوالغازی بهادرخان، ابوالقاسم زنگانلی، جاذب، جهانشاه حقیقی، سلطان حسین بایقرا، و ... اثرلرین توپلاییب چاپ ائده رک هئچ بیر آن دایانمادان گونو بو گونده قوتادقو بیلیک کیتابینی یازیب تئزلیکله چاپا بوراخاجاق. م. کریمی یازیچیلیق عالمیندن باشقا دونیانین چوخلو سایلی اؤلکه لرینده اولماقلا برابر دیلیمیزه کؤلتورومیزه هابئله تاریخیمیزه عایید قورولان سمپوزیوم لارا قاتیلیب اوستاجاسینا وارلیغیمیزی مودافیعه ائدیب.اوستاد کریمی بونلاردان علاوه بؤیوک بیر ژورنالیست اولاراق آذربایجانین چوخلو درگی، هفته لیک قازئت لرینده ایمضا آتیب. دوققوز ایل بویو آذربایجان مطبوعات تاریخینده اؤنملی رولو اولان «امید زنجان» آدلی نشریه نین تورکجه صحیفه لرین باش یازارلیغین بوینونا آلیر. وارلیق، یول، پیام زنجان، بهار زنجان، ارک، خدا آفرین، دیلماج، آذری، ائل دیلی ادبییاتی، ، سهند، یاشاییش، آغری و ... م.کریمی نین باشقا ایمضا آتدیغی نشریه لردن ساییلیر.

دوکتورون یازدیغی ویاییلمیشم کیتابلاری
تاریخ ادبیات آذربایجان - 8 جلدی، انتشارات نظری، تهران
ادبیات شفاهی آذربایجان، انتشارات تکدرخت، تهران
کوراوغلو حماسه سی، انتشارات اندیشه نو، تهران
زن در فرهنگ و ادب آذربایجان، انتشارات اندیشه نو
قاچاق نبی، زنجان
زندگی و خلاقیت عمادالدین نسیمی، تبریز، انتشارات نوبل
زبان ترکی در بوته زبانشناسی تطبیقی، زنجان، انتشارات زنگان
مقدمه ای بر تاریخ تحولات زبان ترکی، زنجان، انتشارات زنگان
قوتادغو بیلیک - اصل متن با ترجمه ترکی آذری و فارسی، تهران، انتشارات پینار
شجره التراکمه - اصل متن با ترجمه ترکی آذری و فارسی، پینار
عتبه الحقایق - متن اصلی با ترجمه ترکی آذری و فارسی، اردبیل، ساوالان
دیوان مولانا همتی انگورانی - بر اساس نسخه کتابخانه دانشگاه تهران، تکدرخت
دیوان حکیم هیدجی، اندیشه نو
اسلام - تورک دونیاسی ادبیاتی، پینار
نظامی گنجوی، اندیشه نو
ائلیمیزین آجیان یاراسی، تکدرخت
ائلیمیزین آتشین دیلی، تکدرخت
ائلیمیزین مهربان معلمی، تکدرخت
ائلیمیزین خزان شاعیری، تکدرخت
ائلیمیزین ایکی دیللی شاعیری
ائیلیمیزین شعر شهریاری، پینار
ائلیمیزین طناز شاعیری، پینار
و دهها کتاب دیگر. . .

کتابهای در حال نشر:
تاریخ ادبیات آذربایجان - 12 جلدی، نظری
دیوان قاضی احمد برهان الدین، تبریز، نباتی
دیوان جهانشاه حقیقی، نیکان کتاب، زنجان
دیوان سلطان حسین بایقارا، نباتی
سهیل و نوبهار - خواجه مسعود، نیکان کتاب
داستان احمد حرامی، نباتی
و . . .