اینامیم وار

اینامیم وار

قول قانادیمی کس سه فلک منیم

یاشامی توز تک ائتسه الک منیم

آند ایچرم سئوگیمیزه آی یاریم

اینامیم وار سنه، یوخ کلک منیم

گوندوز گئجم قارانلیغا بوورونسه

یاشایشیم هپ اومودسوز سوورونسه

هئچ سیزلاماز اؤره گیم گؤز یاشیمدان

اینامیم وار گئچر سنله یوورونسه

آی منی سوسقون گؤزو یولدا قویان

باخار ایشیخلی گؤزلریمی اویان

کور ائتسن ده منی سئوگی یولوندا

اینامیم وار، من سندن دئیلم، دویان

گونش-آی منی گؤرنده توتولار

دیلیم ده یاری گؤرنده توتولار

دانمیرام عاقلیمی چاشیرام، آخی

اینامیم وار «دنیز» یارا توتولار

دنیز قره داغلی.......... ایتمیش یازیلار......... سئوگیلیمه