قووشماغا ساییرام گونلری.......سونورام سئوگیلیمه

قووشماغا ساییرام گونلری

 

دییسن یامان تلسیرم

یارپاق تکی

تیتره ییب اسیرم

گئچیرتدیغیم او آی، گونلری

ایللره قوشوب

حسرت ساییرام

 

نفسیم بعضن کسیلیر

آیدین آچیخدی

نفس نفس ووردوغوم

دویولور، سزیلیر

اولمایا

اولمایا صبر و قراریم

داها کسیلیر

 

بیر باخ! ائله بیر سؤز دینلمیر

بو سئودالی اؤره ک

آنلامادیخ هانکی منزیله

هانکی یولا سؤره ک

بلکه ده سئوینجدن

پارتلایا، اؤلک!!

 

منکی دانمیرام، گؤزلریم

گئده گئده یول چکیر

رسوای ایکی جهانم

سنین وصالینا

یئنه گؤزلریم

آخی سن اولمادان

بتر سنی اؤزلریم

بیرده چاتمیر دادیما

گؤزل سؤزلریم

 

سون سؤزومی

قوی دئییم

آی آنا سن ائشیت

من دئییم

اونسوز یوخدور

یاشاما گوجوم هئیم

آخی آند اولسون جانیما

اودور منیم هر شئیم

سن ده بیل کی

قووشماغا ساییرام گونلری

 

 دنیز قره داغلی.......... ایتمیش یازیلار.......... سئوگیلیمه