خبر آلیم

خبر آلیم

بوراخین هاوامی چالیم

آوازیمی دیله سالیم

یوخدور یاریمین خبری

بیرده اوندان خبر آلیم

دیزلریمده یاتاق سالان

اوره ییمده اؤزل قالان

گؤرمورسن ساواشیر بو جان

ندن اولدون بئله یالان

دوداقلاریم گزیر سنی

قولاغلاریم سزیر سنی

نفس تؤکنیر یئتیش دای

یوخلوغون پیس ازیر منی

«دنیز» م یاغموردان دولو

موتلولوغا یوخدو یولو

نئیناخ بودا منیم بختیم

یاغارام، دوشسه ده دولو

دنیز قره داغلی.......... ایتمیش یازیلار............ سئوگیلیمه.