شعری در مورد روستای شیخدرآباد

صفحه اصلی انجمن ها تبلیغات اعضا تصاویر کلیپ ها صوتی گزارش تخلف حمایت مالی ثبت نام

به علت هزینه های بالا ممکن است سایت از دسترس خارج شود.
لطفا ما را در اینستاگرام دنبال کنید.

رتبه کلی: 19215

llılıl--MARDE........ROoZeGaR--llılıll

میر بهادر خطیب شهیدی

زینال

افشین **

محمدموسوی وشهرام محمودی

کاکتوس

حامد پاکدل

رضا- محمدی**

درباره من

سالار جعفری ( آفلاین

zeidan )

	شعری در مورد روستای شیخدرآباد
	منبع : http://sheykhdarabadiha.blogfa.com/

چگونگی درج آگهی در سایت و قسمت تبلیغات

سایت و اپلیکیشن آموزش زبان انگلیسی urg.ir

درج آگهی

تبلیغات

درج شده در تاریخ ۹۳/۱۰/۰۲ ساعت 01:10 بازدید کل: 313 بازدید امروز: 310
بسمه تعالی شیخدرآبادی مگو اوعجوبه ی دنیا بگو معدن ایمان و غیرت صاحب تقوا بگو باحجاب و پاکدامن بانوان با وقار فارغ التحصیل درس زینب و زهرا بگو افتخار نسل ما حفظ عفاف و عصمت است این بیان وحی را با منطق شیوا بگو یک سخن از بانوان و راد مردانش بزن هر دو را در حفظ آئین شخص بی همتا بگو آنا یوردوم قوجا وطن ئولکه لردن اوجا وطن تعریفینده بو سوزلری من یازمیشام بجا وطن التماس دعا زعفر آزادمهر شیخدرآبادی اوره قوشی پر آچوب آسمانه شیخدارآوا خیالی واردی اوچا کهکشانه شیخدارآوا گوزیمده جلوه لنور،چایلارون،داغون،کندون دانشماقا تاپیرام مین بهانه شیخدارآوا سینمده جمعیدی هر خاطرات شیرینون اودورکه من سنی وئرمم جهانه شیخداراوا یادیمدادی واریدی دورد آخار بولاغ سنده مباحیدی قوناقا میزبانه شیخدارآوا گئدولّه خان باغینا ایندیده سووا مردم داشیلّاچشمه سویی خانمانه شیخدارآوا گوروم که دولتین اولسون همیشه آغزی شیرین وئروبدی شور سو سنه عیدیانه شیخدارآوا قاریشدی باش بولاغا بیر لولیله قارّانقو شیرینله شور توکولور بیر قازانه شیخدارآوا دیولّه شور سو ائلر روده نی دیشی محکم گلایه ایتمه سودان مخفیانه شیخدارآوا ایچلمیری بوسولار خان باغینداکی بولاغون آچوب گوزین گالونین دولدورانه شیخدارآوا گلایه ائتمه گئدر رشتۀ کلام الدن دینمه رم سوزیمی صادقانه شیخدارآوا آدین بولاغلاریوین قوی دیوم سنه بیر بیر بیری تامارزی دی آب روانه شیخدارآوا او باشدا خان باغی،کند اورتاسیندا کت بولاغی آخور دوری سویی روز و شبانه شیخدارآوا اوچیمجی چشمه ده جانباشدا،جانباشین بولاغی سویون وئرولّه باغا بوستانه شیخدارآوا او چشمه که قورویوب ،یوخ سویی دیلمور آدی جواب ائلور ایچنه ال یووانه شیخدارآوا آدین سوروشما اونون عذری وار خجالتدی ئولی کیمی وئریلوب گور قازانه شیخدارآوا دیَردیلر او بولاغه ، بولاغِ قوربانعلی تانی اونی بو آدا بو نشانه شیخدارآوا بیر عدّه ال اله وئردی آتام عیسائیلن بولاغ اولا تزه دن مردمانه شیخدارآوا قازیب چیخاتدیلاآخر بولاغی دوشدی اوزه قوری بولاغ تزه دن گلدی جانه شیخدارآوا ولی حئیف او چیخان سو دوباره دن قورودی بولاغی ائتدی یووا موریانه شیخدارآوا علاوه دورت بولاغون چولده گولچه گول واریدی کفاف ائدردی سویی کاروانه شیخدارآوا دوروب سایام هاموسین یوزدن آرتیغ آد سایارام اشاره ایلیوم اوش دورت نشانه شیخدارآوا آغامّتین گوئلی ، شورجا ، درین دره گوروشن آغابّادان آشاغا پیرسانه شیخدارآوا چیمن زمونده اولار دائمی سویون چیمنون عزت باغوندا قالا جاودانه شیخدارآوا گوزلدی یونجالیغیندا گولی حسن شیفتین باخ اوردا آغ چالیدان مرزبانه شیخدارآوا چیخاندا کهریزه کئتدن واروندی باغچالارون گوروم که دونمویه هرگز خزانه شیخدارآوا قیراخدا لوچّه بولاغه سو ایچمگه گئتدیم یغانمادیم سویونی بیر لیوانه شیخدارآوا قابیخ کیمین قورویوبدی گوزی گولی چیمنی قالوبدی حسرت اورا بیر چوبانه شیخدارآوا سید باغی قورودی، بوغدا سپدی سوردی کاظم داخی اکیلمیر اورا هندوانه شیخدارآوا حسن باغیندا اولار یر کوکی بادام خیرچا امیر باغیندا یوخوندی جوانه شیخدارآوا مخابرات یانی باغچا ، اویاندا بهداری بو یانی خالی قالان، پست خانه شیخدارآوا اولوبدی پُسخانا معتادلارا نشیمنگاه آتیب چکن یغیلور اول مکانه شیخدارآوا ان ای یانی عملی،کمپ،یعنی خانۀ ترک قویوبلا بو آدی اول ساختمانه شیخدارآوا چیخاندا اوسته طرف اوچ قارا تپه واردی دالوندا داغدی سنون جاودانه شیخدارآوا دالون داغا دایانوب صاغ صولون ایکی دربند ایاق طرفده قالوبدی میانه شیخدارآوا قاریخماسام که وارون دورت پیرون ایکی مچیدون بیرینده وار مچیدین خوش نشانه شیخدارآوا جانیم فدا او نشانه نشان زهرادی باخاندا قبرینه گلّم فغانه شیخدارآوا سید محمّد آدی ، شهرتی عصا گوورن دخیل اولار اونا کیم گلسه جانه شیخدارآوا اولوب یانیندا سیدلر مزاری جمعه بازار مناسب هم آلانا هم ساتانه شیخدارآوا بنا اولوبدی کنارینده خانۀ بهداشت ئولن ،اولان، یازیلار سالیانه شیخدارآوا کتابخانا چکیلوب چوخ گوزل ایچی خالی اولوبدی سرچه لره آشیانه شیخدارآوا واریدی بیرجه چورکچی گلوبدی بربریده وِرولّه اوش دنه سین مین تومانه شیخدارآوا قدیم یاپاردی خانیملار فطیر چورگ ائوده گئدردی عطری اویانه بویانه شیخدارآوا یاپولّارایندی ماشینّان نه عطری وار نه طامی گئدوبدی لذّتی بیلمم هایانه شیخدارآوا تمام سنّتی لر اولدی صنعتی ایندی قویانماسان او چورکدن دهانه شیخدارآوا قدیم دئدیم گنه دوشدی اوشاخلیغیم یادیما دولاندی توسن فکریم اویانه شیخدارآوا گلردی چرچی، آلاردیخ اتک دولی خرما کیلودان آرتیغ اولاردی قیرانه شیخدارآوا ساتاردی ایده یمیش مش صمد واهیب اوغلی وئرردی مفته چوخین کودکانه شیخدارآوا قولاقدا واردی گینه خوش صداسی مش صادقین یغاردی مرجی کوروشنه، سوغانه شیخدارآوا وئرردی پسته بادام کرمیه مشد عابباس یغیب ساتاردی اودا اولمیانه شیخدارآوا ساتاردی یاغ، دوگی، قت،مش یاحی عیسان اوغلی اولاردی قیمتی چوخ منصفانه شیخدارآوا اکردی باغدا اوزی ،تل ،خیار،میر علهبر ساتاردی هر کیلووین بش قیرانه شیخدارآوا آلاردی بش تومنه قونشولار ایکی باتمان ییوب دویاردی هامی اهل خانه شیخدارآوا توکانچی کالبا محمّد سینیخدا باغلاردی سالاردی هرچیخانی دکترانه شیخدارآوا فوروشگاهین یانی چلّح توکاندا خیرالله تیکردی باشماغی چوخ ماهرانه شیخدارآوا بیچین بیچنده ساتاردی داواملی بارماخچیل آلاردیلار هره سین دورت قیرانه شیخدارآوا یانیندادا قوجا تیمور چیراخ دوزلدردی اولاردان ایندی هانی بیر نشانه شیخدارآوا مچید یانیندادا قودرت اباذرین ده ده سی توکانچیلیخ ائلدی بیر زمانه شیخدارآوا یانینداکی توکانی احمد آشدی خیاطی بیچیب تیکردی قوجا هم جوانه شیخدارآوا بشیر بَی اوردا گلوب ایلَشَردی آخشاملار یتور سلامیمی اول پهلوانه شیخدارآوا مچید میجوداری عابدولّا ئولدی گلدی موسا قوشولدی بیر نچه ایل خادمانه شیخدارآوا اونودا کندیمیزه روزگار چوخ گوردی خلاصه آلدی جانین ظالمانه شیخدارآوا اگرچه الله ائوی قالمشیدی خادمسیز چاتوبدی سیفانا ایندی او خانه شیخدارآوا آذان دییَردی بیلال تک آذانچیلار کئتده قاچاردیلار نامازا خالصانه شیخدارآوا آذانچی میرزا تاغیدی،یاغیبلا ،شیخ ماحمود اتیم قانیم قاریشیب اول آذانه شیخدارآوا بیریسی ده مشهد عزّت دمیرچی ،خوش سَسینن آذان دییردی گوزل خاشعانه شیخدارآوا آذان دای اولدی ناوار، یوخ آذان دیین ایندی قالوبدی میرزا خلیل تکجه دانه شیخدارآوا زیاد دیولّه موذّن دی میروت اوغلیلان سلام اولا او ایکی نوحه خوانه شیخدارآوا اوچ عالمون واریدی هر اوچی ائدوب رحلت اوچوبدی روحلری آسمانه شیخدارآوا بیریسی میرزا جواد روحینه سلام اولسون گورنمه دیم اونی گئتدی جنانه شیخدارآوا ایکیمجی مرتضویدی سید محمد آقا بیان ائدردی سوزین صادقانه شیخدارآوا اوچیمجی میرزا مطلّلب دن اخذ فیض ائلدیک اونوندا مدفنی اولدی میانه شیخدارآوا اولاردی گونده جماعت نمازی اوچ وعده که یعنی صبحیله ظهر و شبانه شیخدارآوا یوخوندی ایندی نمازِ جماعتوندن اثر فرادا قیلماقادا وار بهانه شیخدارآوا چوخی دیور نامازین ایندی حبّینی آتیروخ اولوب ناماز خانامیز بی نشانه شیخدارآوا چوخی سحر گلوری قهویه گئدور آخشام مچیده حسرت اولوبدی جوانه شیخدارآوا ائدولّه بعضی سی غیبت قولاق وئرور هاموسی باتولّا معصیتِ بی کرانه شیخدارآوا قدیم دیولّه اولاردی اشاعۀ احکام گلردی میرزا جواد عالمانه شیخدارآوا قویاخ قالا بئله سوز مطلب اوسته بیز قایداخ بیزه نه وار آچاکیم هر نه خانه شیخدارآوا دیولّه کوشنی سگّیز یره بولوب خانلار اکوب بیچردیله چوخ ظالمانه شیخدارآوا اولکیسی آقابیلی،ایکیمجی باغ بیلی حسین خانیله بیری مهدی خانه شیخدارآوا بشیمجی میرزا محمّد،نظر آلی آلتی دیوم قالانلارینی شاعرانه شیخدارآوا ایکیسی ده اولارین دانیال و ابراهیم آخیردا بیر باجی،اول خاندانه شیخدارآوا دیولّه کند او زمان دورت یره اولوب قسمت قویوبلا آد اولارا حاکمانه شیخدارآوا اولوب آدین بیری جانباش، بیری میرین بیلی تانیشدی آدلاری پیر وجوانه شیخدارآوا اوچومجی آددا اولوب باغلار اوسته قوردبیلی قالان محلّیه آغداش نشانه شیخدارآوا گلنده آغداش آدی((زعفرین)) قانی جوشدی اویاندی روحی بدن گلدی جانه شیخدارآوا بوی آشدیقی نچه ایلّیک محلّه دی آغداش اودور که شوره گلوب عاشقانه شیخدارآوا چیخاندا آغداشا کندین تمامیسی گورونر صفاده حاجتی یوخدی بیانه شیخدارآوا گئجه زمانی ترانسین کناری گزمه لی دی صفاسی وار گوره سن هر شبانه شیخدارآوا میر حیدر ئولدی قالوبدی عمارتی خالی ووران یوخ ایندی تله اوردا شانه شیخدارآوا اولار که ایلّلرینن باخمادی قاپوسیندان اولوبلار ایندی اونا اهل خانه شیخدارآوا حامام سویوندان اولوب شوردره عجب آباد باخاندا اوخشوری باغ جنانه شیخدارآوا .................................................. ........................خلاصه.............. .................................................. یازیبدی قدمتوی دفترینده سمین فر وئریبدی شرح سوزین عارفانه شیخدارآوا ییوبله حقّیوی الحق سن اولموسان مظلوم آدون گرک یازیلا باستانه شیخدارآوا گوزیم یاشین بو سند دوندروبدی قانه منیم یازیبدی قدمتووی گور هاچانه شیخدارآوا زمان مادّ آدووی ثبت ائدوبله تاریخه یوخیمیش اوندا سراب یا میانه شیخدارآوا میانه ایندی سنه حکمراندی آغ سقّال گوزون باخیر الینه عاجزانه شیخدارآوا اون اونبش ایلدی توکوبلر یولووا بیر آسفالت یاماخ سالیلّا آرا بیر سینانه شیخدارآوا یاماخ یاماخدی یولون ،هر یاماخدا واردی یاماخ یاماخ سالیر یاماغا ماهرانه شیخدارآوا ماشین گئدنده یولی من دیدیم تراختوردی آتیب توتوب او قَدَر گئتدی جانه شیخدارآوا دیدیم ماشینچییا، قارداش ماشین منی توتدی ترحّم ایله منِ ناتوانه شیخدارآوا داریخما ایندی دئدی من وئروم سنه نایلون اورک بولانسا بونی توت دهانه شیخدارآوا او آزجا یولدا منی یول او قدری اینجیتّدی دولاندی ((زعفر))اوزی زعفرانه شیخدارآوا چاتاندا کنده ماشین اوّلینده ساخلاتدیم دیدیم گوروم گئده رم من هایانه شیخدارآوا سه راهدا ساخلادی شوفر کرایه سیز اندیم آشاآشا یریدیم دودمانه شیخدارآوا دگوبدی مِه جانیما من بیر آزجا دینجلدیم غرض یتیشدیم ائوه شادمانه شیخدارآوا دوشوبدی خاطره لردن بیری یادا ایندی یورولماسون قولاق آس داستانه شیخدارآوا چورکچی دن آشاغا بیر توکان واریدی قاباخ یغشدیروب اونی وئردی زیانه شیخدارآوا یوخیدی چون ساوادی حقّ حساب یازانمازدی باتاردی نسیه سی میندن قیرانه شیخدارآوا توکانچی ساغدی،آدی شهرتی مشه ماحمود دیلّر اویلات اونا عامیانه شیخدارآوا گئدردیگ آخشام اورا،منده،اوستا رحمتّده گلردیلر قوجالار اول توکانه شیخدارآوا گلردی گونده موسا،جاببّاراوغلی ممّد علی محرّم الده عصا،ناخوشانه شیخدارآوا گلردی بیرده حسن شیفتینن،یاغیب،سلطان جاواد زمانیده، هردن شبانه شیخدارآوا حاج اسمایل ،حاجی حیدر، گلردی هم حاج حسین گورنده مجلیسی چوخ عارفانه شیخدارآوا یادیمدا وار دئدیلر سنده بیر دانیش ((زعفر)) اوتانما واردی سوزون گل بیانه شیخدارآوا دئدیم که من اوشاغام سوز بویوک سوز آغ سقّال قولاق گوزلدی وئرم داستانه شیخدارآوا اویان بویان دئدیلر شعر اوخور دانیشماز چوخ ادبلی شعر اوخویار نه ترانه شیخدارآوا اجازه وئردیله منده توکاندا شعر اوخودیم مغازه نی ائلدیم غصّه خانه شیخدارآوا شجاعت شه مردانی من بیان ائتدیم قولاق وئریردیله چوخ خالصانه شیخدارآوا یتیشدی بیر یره مطلب اَلَندی گوزیاشیلار اوجالدی آه و نوا آسمانه شیخدارآوا دعا ائدوبله صورا هم منی هم اوزلرینی اوخوندی فاتحه ده مومنانه شیخدارآوا یاتوبلار ایندی اولار قبریده لحد آتدا آییردی اوللّاری بیزدن زمانه شیخدارآوا گذار ائدنده مزار اوستونه شب جمعه چکور شرارۀ قلبیم زبانه شیخدارآوا ئولنلرون دییَرَم دفن اولوب چوخی مظلوم علی الخصوص او دوقّوز جوانه شیخدارآوا باتوبلا دوقّوزیدا قانه مکتبه خاطر اولوبلا جبهه ده تیره نشانه شیخدارآوا نه احترامیدی بو ایلوسن شهید لره عیان ائله سوزی قویما نهانه شیخدارآوا نه بیر دووار چکیلوب نه حصاری وار نه قوروق نه بیرجه یانماغا شمعِ شبانه شیخدارآوا گونوزلری برهوتدّی گئجه لری دوزخ باخاندا خوف اوتورور جسم و جانه شیخدارآوا مزارون اوسته داوار هم یاتور همی اوتلور بو بیر اشاره دی گلدی بیانه شیخدارآوا اوزون نه وار بیلوسن یوخ بیانیمه حاجت یتور بو سوزلری خرد و کلانه شیخدارآوا بو یرده واردی یری قدردان اولاخ باهم حاج عاببّاسین ایشینه منصفانه شیخدارآوا ائدوب بنا اوزی غسّال خانه بو کنده سالوبدی سرّوی الحق نهانه شیخدارآوا وئروب ئولنلره ارزش قالانلارا قیمت پیمبر اولسون اونا پشتوانه شیخدارآوا آچیقدی اللّری احسان الین آچوب خلقه خدا وئره اونا مخفی خزانه شیخدارآوا بو خیر ایشین وئره جک مین برابرین الله وئروبدی وعده اوزی مومنانه شیخدارآوا قلم دایاندی داخی ((زعفرا)) اوزون گئتمه دئدون اورک سوزینی دوستانه شیخدارآوا
تاریخ آخرین ویرایش مطلب: تاریخ آخرین ویرایش: ۹۳/۱۰/۰۲ - ۰۱:۲۴

اشتراک گذاری:

تلگرام

فیسبوک

تویتر

برچسب ها:

لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.

درج آگهی

تبلیغات

کاربران آنلاین (0)