مناجات زلال ( شعر در سبک زلال به زبان ترکی )

زلالیّات عرفانی ( به زبان ترکی )

تاپمادیم باش دونیادان
یاغدی آنجاق دال با دال داش دونیادان
آیریلیقلار هئچ ماجال وئرمیر غریب آددیملارا
نه واریم یاردیم نه سیرداش دونیادان
گؤز دولی یاش دونیادان
*
جانلار آیریلماقدادیر
دونیا امّا اؤز سازین چالماقدادیر
چوخلاری کئفلی سایاق دلخوشدو بو آهنگیلن
شادلیغی الدن اجل آلماقدادیر
سانکی غم قالماقدادیر
*
کئچدی بو دونیامیزی
تا گؤره ک نئیلیر او – سوُن دونیا بیزی
آه ای تانریم! خلائق سندن ال دوتماق اومور
باغری آلقان ائیله ر عالم سن سیزی
اولماسا سندن ایزی
*
کیمدی پس سندن سورا
دردیمه تاپسین بو دونیاده چارا؟
ای منیم آیدینلیغیم،عشقیم،منیم سئوگیم یازیم!
سنسیز آنجاق گونلریم اولموش قارا
گوللریم دوشموش قارا
*
خسته کؤنلوم سنده دیر
سنله آنجاق روحومی پاینده دیر
جانیمی بیر لحظه ده سالما اؤزوندن آیری ، چون
سنسیز اینسان هر نه دن شرمنده دیر
نفسینه تک بنده دیر
*
سن سیز هئچ یار ایسته مَم
اولماسان سن،هئچ نه گولزار ایسته مم
اؤزگه یه آچمام آغیز، بیگانه دن داد اوممارام
اؤللم آنجاق یار و غمخوار ایسته مم
باشقا دلدار ایسته مم
*
دونیادا حقدیر اؤلوم
حقّ دن وار هر گلن شخصه بؤلوم
قسمت اولسا توشه می آللام ثواب اعمال دن
کاش عیبیم هر نه جانیمدا، بیلیم
اونلاری بیر بیر سیلیم
*
اولماسان سن یاوریم
سیندیرار دونیا غمی بال و پریم
دولتیم چوخ،آمما بیر دامجی آراده سود یوخ
عؤمر قورتولماقدا،بوشدور اللریم
ای خداوندِ کریم!
*
درده درمان ایسته رَم
جان وئریب سندن گئنه جان ایسته رَم
دونیانی سنلن دَییشمه م،عشقی سنسیز دینله مَم
کؤنلومی وصلین اوچون قان ایسته رَم
نفسی قوربان ایسته رَم
*
دادا بیلوردی