غزل ترکی شهریار اولموش

صداقت گؤرمورم ایندی جاهاندا من گؤزللردن

قالیب حیرت زده کؤنلوم، عجب پیس روزگار اولموش

قویوب بیر دفعه لیک گئتدی منی آشوفته چاغیمدا

خبر یوخ نازنین یاردان، کیمیله سازگار اولموش

همیشه آیریلیق دردی منیم آلماقدادیر جانیم

وصالا چاتمیش عاشق لر اؤلونجه بختیار اولموش

سنی هر کس سئویب ای گول، آلیب بهره بو سئودادن

منیم تکجه بوتون عومروم بو یولدا تار و مار اولموش

باخیر فخرایله فرهاده جاهان بیر عشقینه خاطیر

اودور آدی جاهان ایچره بو قدری ماندگار اولموش

گؤتورموش طبعیمی "فاتح"غزل حالی،او قدری کی

گومان ائتدیم منیم طبعیم غزلده شهریار اولموش