شعر ترکی درمورد امام زمان

یول گوزلرم سن گله سن           زهرا گولو یابن الحسن

دوزوم نئجه فراقه من                 زهرا گولو یابن الحسن

قوتار بیزی بو غصه دن               زهرا گولی یابن الحسن

دردلرین درمانی سنده              حیدرین نشانه سی گل

نرگسین بیر دانه سی گل           زهرانین دردانه سی گل

قالمادی صبر وقراریم                 باشا چاتدی انتظاریم

گوزلریم یولوندا قالدی                گئتدی الدن اختیاریم

یورولدوم یول گوزلمکدن              سنه قربان گلعذاریم

اورکلرین قراری سن                   احمدین گل دانه سی گل

نرگسین بیر دانه سی               گل زهرانین دردانه سی گل

ایله امید من بی کسی              عاشقلرین ای نفسی

گوزل جمالین گورمگه                 اورکلرین وار هوسی

تاج سریم یابن الحسن                ساقی کوثر نوه سی

گوزللیکدن دوشوب باغلار              گلشنین آلاله سی گل

نرگسین بیر دانه سی گل               زهرانین دردانه سی گل

اورکده وار هجران داغی                  گوزوم اوسته قوی آیاقی

عاشقلرین امیدی سن                  شیعه لرین ده دایاقی

بیزی قوتار انتظار دان                     چکه بیلمریک بیز قراقی

جمله خلقین گوزو سنده                  خالقین یگانه سی گل

نرگسین بیر دانه سی گل               زهرانین دردانه سی گل

آیرلیق آدی گلنده                      عاشقین گوزلری آغلار

«اوحدی» مهدی نوکری                   دیینده سوزلری آغلار

وصلیندن یازاندا قلم                   اوخویوب یوزلری آغلار

سن آنان نرگسین جانی               جانیمین جانانه سی گل

نرگسین بیر دانه سی گل              زهرانین دردانه سی گل

***** آذربایجان گولی اثر طبع عین اله واحدی*****