درباره من

«الرسالة الماتی فی الباب اوروشلوق قوناخلیغی»

اوروشلوق کی گلدی، قوناق باجیلار دا باشلانار. ایفطار قوناقلیقلاری ...
بیزلر ده هرزاددان ایکی جره سی اولار: بیر اؤزومیزه بیرده قوناق اوچون. لاپ او یاخجی وساییللر قوناق اوچون اولار. قوناق بوشقابی، قوناق لیوانی، قوناق سوفره سی، قوناق اوتاقی! ائوین لاپ او گؤزل یئری ایلی ۱۲ آی قوناق اوچون قوروق اولار. نم نه قدر قوناق یورقان دؤشه ییمیز اولار کی اون - اون بئش ایلدن بیر طایفانین هامیسی بیزیم ائوه هوجوم گتیرسه لر اولاردا یاتسینلار! اؤزوموز یئمه دیکلریمیزی، یانی گؤیلوموز ایسته ییب آمما ییه نمه دیکلریمیزی قوناغا آلیب یئدیرده ریک. بیزلر قوناق سئور اینسانلاریق، بیزلر قوناق اوچون یاشاروق ...

ایفطار سفره سی گرک رح به رح اولا ... گرک گؤز چیخاردا! گرک منیژه خانیمین دؤشه دییی سفره دن چوخ یوخاری اولا. تویوخ پیلو کناریندا، ایکی جوره ده آیری خوروشتی اولا، دولما، زنجفیل تریی، سوتلی آش ، دؤرد طبقه کوکه سی اولا. تیلویزیون دان تازا اؤرگه شدیغیمیز دئسئرلر، عنتیقه سالادلاری اولا. اوروشلوق برکت آیی دی، گرک یییه ک ایچه ک ائشیه تؤکه ک!

ایفطار اوروج توتانلار اوچوندو، آمما بعضن گؤرشوب کی ایفطار قوناخلیغیندا هرزاد وار بیر فقط اوروج توتان یوخدو! نئینییرسن آما هاممی درسلرین قشح باشاریر کی گرک اوروج اداسی چیخاردسین. «منه بیرآز قئینر سو گتیر اوروجومو آچیم». «یو من خورمالا اوروجومو آچارام، ثوابی دا وار». اوروج توتان باجی قردشلریمیز ده ایفطار چاغی رح به رح سوفره یه باخیب فقط بونا فیکر ائله یرلر کی «نمنه یئییم اوره یی مه دوشمه سین، معده می سانجیا سالماسین، باغیرساخلاریم دا کئفه باخسین؟» یانی دا او لحظه نم آجلاری یادا سالماخدی، کاسیبلار نه یئدیلر فیکری چهماخدی، هامیسی سی(سانسور) گئدیب!

ائو صاحابی گرک دؤرد گؤزلی قوناخلارین گوده: «سن آللاه یین دا، تاماشا اوچون قویمامیشیق کی. آخ به هئشزاد یئمه دیز. سن آللاه اولاردان دا چکین با. آوا به نیه به دویونی نی یاوان ییرسن؟ خوروش چح دا ... سن آللاه غذالاری سؤیمه دیز؟».

«زولبیه بامیه» یا «کوکه» مسئله این است! قوناقلارین بوینونا بیر وظیفه قویولوب اودا زولبیه بامیه یا دا کوکه آلماقلاری دی. «مورفی» قانونلارینین اساسیندا دا قوناقلارین هاممی سی یا کوکه گتیرر، یا دا هامیسی زولبیه بامیه! سورا کی ائو صاحابین قوناق گئتمه ک نوبه سی یئتیشر، گنده بیر قوطی بو زولبیه بامیه لر دن گؤتروب آپارار. فقط گرک دیققت ائله سین کی هر کسین آلدیغی زولبیه بامیه نی اؤزنه قئیترمه سین.

ایفطار سوفره سی کی ییغیشیلدی، غیبت سوفره سی آچیلار! یانی یئماخدان سورا «غیبت از زانویه ... از زانو!». لامصّب بئله ده شیرین اولار کی پ(سانسور) یئدی زولبیه بامیه!
یاخجی دا قبول اولسون ...



منبع : فیسبوک؛ ماتی میخاناسی
 
 
 
 
 
 
 
 
 

درج شده در تاریخ ۹۴/۰۴/۰۲ ساعت 23:56

کاربران آنلاین (0)