"علی"

یقین بیل ابجد و بورهان, "علی"دیر
بیان-ی توحید و قورآن, "علی"دیر

محممد مئعراجا واردیغی گئجه
قاپیدا گؤردویو آرسلان, "علی"دیر

چیخاردی اوزویو, وئردی نیشانه
"حقیقت" گؤردو کیم سوبحان, "علی"دیر

"حق" ایله قیلدی دوخسان مین کلامی
اوتوز مین سیرر ایله سیردان, "علی"دیر

چیخاریب یئر اوزوندن گؤیه اول دم
آپاریب گتیره ن رحمان "علی"دیر

گؤروب یئر اوزره بیر گونبد یاسینمیش
عجاییب گونبد-ی خضران "علی"دیر

ایچینده سورولور سیرر-ی حقیقت
قورولموش محشر و میزان "علی"دیر

ایره لی یئریییب قاپینی قاخدی
آنا کیمسن؟ دئیه سوران "علی"دیر.

دئدی کیم: خادیمم خئیرالنسایام
هم اول دم قاپینی آچان "علی"دیر

چو گؤردو قیرخ اری وار سیرر-ی قودرت
ایچینده سرور-ی مردان "علی"دیر

ایچری گیریبن قیلدی محببت
بیری قیرخ قیرخی بیر یاپان "علی"دیر

عجاییب رمز ایچینده قالدی احمد
بو رمزی گؤستره ن آسان "علی"دیر

بیرینه چالدی قیرخیندان قان آخدی
هم اول دم نشتری چالان "علی"دیر

چیخاردی بیر اوزوم ساییل دونوندا
الینه خادیمین سونان "علی"دیر

ازیلدی شربت اولدو ایچدی اونلار
جونون و عاشیق و حئیران "علی"دیر

چالیندی کف و دست قوپدو سماعی
بولاری مست ائده ن مستان "علی"دیر

ایچیلدی شربت و ییرتیلدی تولبند
اوزویون گؤسته رن نیشان "علی"دیر

یوخ ایکن یئر و گؤی عرش ایله کورسو
حقیقت میزانین قوران "علی"دیر

بو معنیدن "علی" سیرردیر یقین بیل!
خواریج گؤزونه سینان "علی"دیر

بو بیچاره "ختایی"نین پناهی
داواسیز دردلره درمان "علی"دیر.