درباره من

تانری آدینا
امـــــــام
علی

یازان :جعفر احمدیه

ا
جهاد یولوندا ( علی دئییر )
علی دئییر تکجه اگر قالام من
وحشتیم اولماز قورخان اولام من
اینامیم وار من حققینن اولماقا
اینامیم وار من دوزومنن قالماقا
شیفته یم من اوز تانریمی گورماقا
اوز تانریمنان شایسته لیک آلماقا
آمما بیر زاد کدر له دیب کونلومی
فاسد لرین ایشلرده اوستونلوگی
فاسد لر بیر لشمه سی چوخالیر
گوجسیز لرین داغیناقی آرتینیر
جهاد یولون بیلیرم بیلدیریرم
گوجسیزلره من جهادی دئییرم
سیزدن سستلوقی چوخ گورورم
مقدر اولسا دا جهاد ائده رم
یاپیشما یئره بـــــیر بئله
باغلانما یاناقنان خالینان تئله
ضرر اولماسین، تالاننان تالان
حیات دا اولون فهیملی اولان
غافللرقاجا، سینـــــــیلار اونا
سست اولان داغیلار داها قاجینا
جهاد یولوننان کیمسه آیریلار!
ضرری گورر خوار و آلچاق قالار
تانری بیزلره یاردیم اولاجاق
عطا بیزلره بیرلیک سالاجاق
طاماحی بو دونیایا سالمئیاق
صونی بورادان یاخشی ساخلییاق
***
علی وارلیقین قویور
عدالت عشقینه وارلـــیقی قویور
یاشام عرصه سینه عدالت سالیر
سئو گی باغلارینا عدالت وئریر
عدلین وارلیقی امامنان قالیر
سئونلرین ایچینده بیراولدوزاولوب
قارانلیق ایچینه ایشیق دولدوروب
زنجیره باغلانسا سئوگینی آتانماز
قیامت چاغیندا پارلاق سیز اولماز
علی قوهومی اوستــون سایانماز
قارداش داغلادار عدلی سیندیرماز
آرپانین قابیغین بوجوکدن آلماز
عدلی ساخلادار جاننان آییرماز
یوخسول آغریسی قارداش آغلادا
علی گوزلــــــرین اودا باغلادا ؟!
دونیا عذابین قارداش چکندی
علــــی اوداقا نئجه دوزندی !
بیزیم زمانه زورچو ساخلادیر !
قوهوم بازلیقی، کوکون کورلادیر
علی شیعه سی عدالت ساخلیر ؟
عدلی علی نی هله قانمیریک
گوجی تاپاندا طایفا تانیریک
ضابط بورادا گورومده اولمور
فساد یارانما بوردان باشلانیر
شیعه رشوه یه ائله خوشلانیر !!!
میزآلتی بوگون حق آدلانیر !!
خیانت سالیر رشوه آلانلار!
وارلیق اودلادیر حققی دانانلار !
مصلحت حقیقت وارلیقین کورلور!
سویلار وارلیقی خائن نن یانیر !
***

خوارجی نن اوزبه اوز
افتخاری قاجـــلیق دوزد ماقـــیدی
تانری یولـــــوندا چالیـــشماقیدی
راضی اولماماق عــــدله گوره دی
حق ساخلاماقلیق چتین لیگه دی
بونــنان قاجلاری دا آز دگـــیلدی
دوستلوق دئینلر قاجلیق ائدیردی
علی عدلینده فرق قویــــمازیدی
شهیده باغلانان آرتیق آلمـــازدی
علی تانری یولوندا عدله باخـــیردی
تانری عدلینده تقوی ساخلـــیردی
طاماحکار علی نین قاجلیقین ائدیر
بو دنیا آلدانیش قاجـــلیقا وئریر
علی یه قاجــــلاری توهین ائده رلر
ئولوم نن سونراسی توهین ائدرلر
دئمیشدی عــــلی گیزلین مزاری
توپراق توتسون وارین گیزلینده باری
مزارین بـــیلدیلر تـــــک بـــالالاری
یوز ایل سونرا، صادق امام بیلدیردی
علی نین مــــزاری آیدین ائدیلدی
خلافتــــده علی اوچ دســـته بیلیر
آیریلما سالدیریر، دویوشی ائدیر
جمل اصحابینا ناکث آد قویــــور
صفین قاجلارینا قاسط آد وئـــریر
خوارج نهروان مارق آد آلــــــیر
اوچ گروپ علی نن قاجلیق باشلادی
ناکث آدلانانلار چوخ وار خوشلادی
وارلانماق تبعیضه یــولی صافلادی
تبعیضلری سالان گروپ اولدولار!!
اوزوموز اوزگه لر سوزون سالدیلار
علی دن آیریلان عدلی کورلادی
علینین آدیـنی یــالان ساخلادی
نانکورلار وارلیقی سلطه پایـــلادی
***
گونش قالان
علیدیر تانرینین رحمت هماسی
راحات لیق علی دن اوزاق اولاسی
یئتیمه گوجسیزه دایاق اولماسی
زورا آلدانیشا سینماز قـــــالاسی
اوننان فاطمه دیر گونش پارلاسی
حسن، مرادی دن قصاص آلاسی
ملجم مرادی، قصاصی گـــورسون
دایانسین علی راحاتلیق آلسین
علی عدلده هر چـــاغ اولاندی
طاغوتلار ایشلری قالماز گئدندی
طاغوتلار پوزولوب شهید قالاندی
شیعه نین وارلیقی شهیدلرین دیر
شهادت ایشلرین شیعه دئیـــندیر
تانری شهیدلره دئیریلیک وئــریر
شهیدلر زومارین تانریدان یئییر
شهادت یولوندا گونش قالانسان
وارلـــیقا عدلت اوزون سالانسان
شیطانلار قانمازلیق ساخلادان اولار
علی نین کولتوری پارلاشان قالار
***
علی فضیلت لری
علی نبی دایاقی هاممی دویوشلرینده
علی عدله پیشوا بیت المالیـن ایشینده
علی نبی قولی او آغاجــین بوداقی
علی آلاوین واری کورلانیشین آلاوی
علی یه یاردیم اولان یاردیمینی تاپاجاق
علینی یالقیز قویان یالقیزلیقدا اولاجاق
سوچلار توکولمه سینه علی یولی آچدیرار
علی یولون توتان ایمانــلی لاردان اولار
علی قرآن ناطق قرآنینان اولاندی
علی نن قرآن ائله بیر بیری نن اولاندی
علی یولون توتمویان کافرلیقی توتاندی
کافرلیقی توتانلار ضـــلالت ده قالاندی
علی قرآننان باهم حوض کوثر یانیندا
حق یوللاریندا علــــی پیامبرینه چاتاندا
علی باشدی بدنده نبی بوسوزی دئیب
موسایا هارون تکین، علینی او بیلدیریب
کیمه نبی مولادی علی ده مولاسی دیر
علی داها بهشتده پاریللایان اولدوز یدیر
ایناملی بیر کیمسه لر علی نی دایاق توتار
ایناملارین اونلارین علی اوزی دولدورار
کرامتین یاخشیسی علی داهــا اوزودی
یاددا علی ساخلاماق عبادتین سوزودی
مومن لرین ایشلری یازقی لاردا قالانـدی
باش یازقیلار لوحه سی علی یه اوخوناندی
حیات دا هر بیر زادین یاشاما قالخانی وار
عدالت اوز وارینا علی نی قاخان توتار
عدالتین دایاقی عبـــارت دی علی دن
کرامتین وارلیقی علی یولی بیلله دن
کعبه اوچون باخیشلاربنده لیگه اولاندی
تانری علی وارلیقین کعبه سینه قویاندی
علی یه قاج اولانلار تانریا قاج اولانــدی
علی یه آغری وئرن نبی نی اینجیدندی
علی یه پیس لیک ائدن نبی یه ده ائدیری
نبی یه پیس لیک ائدن تانریا دا ائدیری
اوچ کــــیمسه دیر نبی لردن قاباق دیر
یوشع نین وارلیقی موسی چاغی دیر
عیسی دان قابــاق یاســین گلیب دی
صـــون نبی یه قاباق علـی اولوب دی
شقـــی لر شقی سی ایکی کیمسه دیر
بــــیریسی اونــــلارین ناقه پی له دیر
آیریسی ملـــــجم مـــــرادی اولــوب
حقیقت وارلـــــیقین قیــلینجا ووروب
سئویــــملی نــــبی نین قیزی فاطمه
عـــزیز دیر نبــــی یه عــــلی نن بئله
نبـــــی یه قـــووشان ایلک فاطمه
محشـــــرده نــبی نن اولان فاطمه
فاطـــمه اولادی حققی ســـاخلا دیر
علــــی عـــدالت یولون صافلادیر
***
علی نین ایشلری
بیعت ا ئدنلرین گونی گئچیردی
علی منبر اوسته گئدیب دئیردی
تانریا حمد ائدیب نعمت ساییردی
دونیادان کونولون علی کسیردی
صونرانی گورسدیب ایستکله دیردی
خلافت گئچه رینی بیـــلله دیردی
عثمان نان ماجرا نئـــجه اولوندی
باشچی لیق مللته علی بیلیندی
فتنه لر قارانلیق لاردان یاغیردی
علی نین چیخاری اوستون قالیردی
علی اوز سوزلرینی بیلدیریردی
دورارین مللته پارلاق ائدیردی
حکومت علی یه سئوینج اولمادی
تکلیفی گوروب یئرده قویمادی
عدالت یولونی علی باشـــلادی
حق الناسی علی ایلک خوشلادی
ملت هاممی سی تانری بنده سی
هر زادین وارلیقی تانری نین ارثی
هئچ کیمسه آییریا اوستون اولانماز
پای بولنلر اوزلرین اوستون توتانماز
سهل بن حنیف اعتــــراض ائـــدیر
قاباقکی بنده سین اسکیک ده بیلیر
زبیر و طلــحه اوستـــــونلوک ایستیر
سعید بن عاص دا دوروم پیس له دیر
توپلاشیر بیر یئره اوستـــون سئونلر
علی دن آیریلیق یـــولون گئدنلر
علی دن آیــریلیب آیری گئدیرلر
شام یولون توتــوب اونـا یئتیرلر
هره سی بیر جوره کین ساخلامیشدی
علی عدالتین اونلار دادمـــــیشدی
عثمان حکومتی پای چوخ وئرمیشدی
علی عدالتـــــی میــزان دئمیشدی
عرب نن عجــــمی علی بیرگورور
علی حق یولونی دوزگون بیلدیریر
قاجلیق پی لرینی اونـــلار توکورلر
آیریلیق یوللارین توتوب گئدیرلر
علی منــــبرینه چیخیـــب دانیشیر
حق یولون بیلله دیب حقی تانیدیر
شوکورلر سالدیران تانریــدان آلار
نانکورلار اوزلـــرین آلاوا ســــالار
انسانلار بیر بیرین تانیــدماقدادی
کرامت یـــوللاری تقـــوا لاردادی
اوستونلوک یوللارین فرعونلارتوتار
سویلارین کولتورون فرعونلار پوزار
بو دنیا وارلــــیقا سیناق یولی دیر
اوستونی آختاران طاغوت تایی دیر
نییه عدالــتی باشـــدان آتیرسیز
سویلار کولتورلرین نییه دانیر سیز
علی عدالته آیــــدین یــول آچیر
شهادت یوللاری عــدالت ساخلیر
شهید ئولمز دئر یلیـــکده قالاندی
دئیریلیک سویلارا شهیـد آلاندی
شهیدین قانلاری وارلـــیق یازاندی
کرامت وارلــیقا شهــــید سالاندی ***

هانسی نیاز
مکتبی داورانیشا علی یولون توتمالییق
جان نان مایا قویماقا علی نن قالمالییق
علـــی یولون توتماقا نبی یه باخمالییق
یاردیم سالماق یولونی علیدن توتمالییق
فیکر ساحه لرینده ســــوزونه باخمالییق
سوزلرینی گورومه علـی دن سا لمالییق
وارلیقی وار علینین نبی دایــاقلاریندا
پیامبر آیریلان چاغ علی نین قوجاقیندا
کیمسه سلطه توتماسا علینی ایستک ائدر
علی نی ایستک ائدن عدالته جان قویار
علی انسان وارینا مکتب یولون هامارلیر
سویلارین ایستکینه بنده لیکده ساخلادیر
علی بوتون بنده دیر بنده لیگده پارلانیب
بنده لیگین یوللارین علی بیزه تانیدیب
علی وارلیق بویوندا عدالتـی ساخلادیب
عــــدالتی سالـــماقا حکومتی یادلادیب
حکومتده عــدالت اولماسا یوخ ده ییری
علی یولی عدالتی حکــومت ده دئیه لی
اسلام بایراقی قالسین علی داها ایستیری
اسلامدا کی حکومت حققی بایکوت ائدیری
چوخلی پیس اتهاملار علی یه باغــلادیری
علی ظالیمی گوروب دینمزلیقدا قالیری
جاننان مایا قویمانی علی دن ملت گورور
حققه سئویل سالمانی علی اوزون نن دئییر
عثمان چاغی قورتولوب عدالت آختاران وار
عدالت سالدیرماقا علی عــلی دئیـن وار
ایندی نیاز وار علی یه عـدالت سالدیرماقا
ایشلری دوزگون گوروب مکتبی ساخلاماقا
ایکی اوزلی کیمسه لر بو دنیانی توتورلار
مصلحتی دئینلر عــــلی دن آیریــلیرلار
تکجه بیر یول آچیقدیراودا عدالت یولی
علی عدالت سالیر بئش ایل حکومت چاغی
***
احیاء گئجه سی
یازیلیر باشا گلن احیـاء گئجه سی
بیلله نیر تانریدان رحمت گئجه سی
احیاءنین واریدیر پارلاق نشانه سی
بیلله نیر بوگونده وارلـیق آیه سی
اوروجلوق آییندا بو گـون پارلانیب
مین آیدان اوستون آدیندا یازیلیب
احیاء گئجه سی کونوللری بارلادیری
سوی وارلیقینا بنده لیگی خوشلادیری
احیاءگئجه سی سئوگی سئویلده قالیری
رحمت ساچینی سویلار باشیندا داریری
احیاء گئجه سی یار باریشیق بیلدیریری
سوی سوچلارینی یار اوزی سیلدیریری
احیاء گئجه سی سئوگی یوموشاقلانیری
بنده اولانا سئویل یولون ساخلادیری
احیاءگئجه سی یارین گوزی یول چکیر
بنده لرینه اویــــودلرینی وئــردیریر
احیاء گئجه سی دین بایراقی اولاندی
بنده لره اوچون پارلاق یولی آلاندی
آحیاء گئجه سی کونول قانا دولاندی
وارلیق اودوینان جانلاری قیزدیراندی
اوره گیم قان چاناغی یار باخیش لارینا
وارلیقیم اود اوجاقی بنده لیگین وارینا
حیاتیم یار الینده شوکرلری دیلــیمده
وارلیقی وارلیقیمدا هرزادی خلوتیمده
سویومون وارلیقلاری آخارلی رحمتینده
بنده لیک گورسه دیری اوزی عدالتینده
شیطانلار فتنه لرین قورتاریر رحمتـینده
عدالت آخیمین آلدادیش توتوب
سویلارین وارلیقی کرامت ایستیر
کولتورلر وارلیقی کرامت بیلیر
انساندا کرامت احیاء بارلادیر
طاغوتلار سلطه سی هر نه کورلادیر
چالیشقان سویلاردا چیخار یازدیریر
چالیشیق سویلارا حیات آلدیریر
چالیشقان کیمسه لر سلطه یه سینماز
سلطه یه سینمئیان احیا ئ دان قالماز
حیات دا وارلیقین تانریدان آلار
کرامت سویلارا احیاء لار سالار
***
علی نین خانیم لاری
علی نین ایلک قادینی فاطمه نبی قیزی
عومری سونی جا علی نین تک خانیمی
حسن و حسین فاطمه دن واریدی
محسن ده خیردا چاغیندا ئولدی
فاطمه قیزلاری ام کلثوم نان زینب
ایکینجی خانیمی علی نین ام بنین کلاب
عباس و جعفر و عبدالله و عثمان
ام بنین بالالاری کربلادا وئردیلر جان
اوچونجی قادینی لیلا نهشلی کلیمی
عبیدالله و ابو بکر بوننان علی بالاسی
بونلاردا حسین نن شهید اولاسی
وارلیقا کرامت یولون سالاسی
سونرا اسماء عمیس قیزینی آلدی
بودا محمد و یحیی آناسی اولدی
صهبای تغلبی ربیعه قیزین آلیب
بوننان دا عمر و رقیه اولوب
هشتاد بئشه عمرین یاشی چاتیب
عوموری عمرین ینبع دا باشا چاتیب
علی ابوالعاص بن ربیع قیزین آلیب
بو قادین نان محمد اوسط اولوب
خوله جعفر قیزی نی علی آلیب
ام سعید ثقفی عروة بن مسعودی آلیب
ام حسن رمله کبری و ام کلثوم بالاسی
ام سعید دیر بونلارین آناسی
علی نین واریدی اون دورد اوغلی
علی نین واریدی اون یئد دی قیزی
***
باشچی لار
علی یولی باشچیلاری بیلله دیر
شیعه لره عدالتی امنیتده دیلله دیر
عدالته برک اولماقی بیلدیریر
امنیتی عدالتده سئودیریر
یاردیملیقی گوجسیزلره سالدیریر
گوجلی لرین سلطه لرین داغیدیر
سوی کولتوری اللرینده قالاندی
کولتور پوزماقلیقی سلطه سالاندی
دینی دییر اوز یئرینی ساخلاسین
یاشام وارین اونلارینان دادلاسین
آبادانلیق ئولکه لره سالینسین
دیللرده یوخ گوروملرده اولونسون
ملت لرین حق پایلاری وئریلسین
کولتور پایی اونملی سی بیلین سین
قاجلارینان قاج اولماقلیق یاخشی دیر
سینماق قاجا اسکیک لیقین تایی دیر
امنیتی عدالتده ساخلایین
عدالتده سوی پایلارین وارلاین
استبدادین یولارینی کورلاین
استبدادی سالان لاردان اولماین
ایکی اوزلی ایش باشیندا اولماسین
خیانتین سویلارینا سالماسین
تبعیض سالماق یوللارینی باغلاین
سلطه سالماق یوللارینی سالماین
ساده لیکده یاشاملاری ساخلاین
اسراف کارلیق یوللارینی سالماین
***
باشچی اولار
عاطفه نین مولکونی کیم ائینه دیر
عاطفه نین وارلیقین کیم بیلله دیر
علی ده عاطفه گئنیش دنیا دیر
علی ده عاطفه علی یارادیر
علی ده عاطفه اونی ساخلادیر
گئجه لر قارانلیقی بونی آنلادیر
یاردیم لیق آلانی آیدین اولمازدی
مظلوم نان علی یاردیم قیرمازدی
ارادی یوخسوللوق علی نن یاشیر
شاخصیت ساخلاماق علی دن داشیر
یوخسول شاخصیتین علی کورلامیر
اونلاری اوزونه بورجلی ساخلامیر
بیتالمالی بولور علی بارابار
قارداشینا وئرمیر علی آرتیق وار
بیزدن اوزگه دن علی بلله میر
باشچی پایلارینی علی چوخ دئمیر
طلحه زبیرین انتظاری چوخ
علی علی دیرتبعیضی یوخ
عاطفه مولکونه علی باشچی دی
کرامت یولوندا علی یولچودی
حاکم اولا علی یوخسول تاپیلا !
رشوه وئره علی خاقانلیق سالا !
عاطفه علی ده عدالت دئییر
علی ئولکه نین وارلیقین بیلدیریر
عدالتده هاردا یوخسول گورسه نر
عدالت اولماسا یوخسول بلله نر
تالانچی عدالت باغین کورلادیر
تالانین سالدیریر اوزون خوشلادیر
سلطه بویوجا تالانین سالیر
خیالی بیر خالا ئولکه پایلادیر
اوزگه لر واریننان اوزون بسله دیر
سینیق لیق سالانی دیلین چونده ریر بوظولمی علی نین شیعه سی سالماز
بو ظولمون آلتیندا بیر شیعه قالماز
کولتورلر وارلیقی قالان اولاجاق
کرامت یوللارین سالان اولاجاق
عدالت شیعه ده کولتور سالاجاق
عدالت شهیدی پارلاق قالاجاق
***
علی نن عدالت
ائل گونی رجبین اون اوچی اولوب
فاطمه کعبه نین یانیندا دوروب
فاطمه اسدین حورمتلی قیزی
چاغیریر تانری نی دئییری سوزی
اینامیم وار سنه نبی لرین نن
دوغومی سن منه آساد ائیلیین
بیلله دیب سن اوزون سن نن ایستیین
ایستکه چاتان دیر اولوب سان دئین
یاردیریر کعبه نین دووارین تانری
چاغیریر فاطمه گئدسین ایچه ری
اورتوشور کعبه نین یاریق دوواری
بیتیشیر بیللنمیر نمنه اولایی
هه له ده او یاریق ایزی بللی دیر
دوزه لیش نه اولسا گئنه بیلله نیر
او یاریق مستجار ایندی آدلانیر
یمانی رکنی نه اورا یاپیشیر
ابو طالب اوغلی علی یارانیر
گونش تک پارلاق لیق اوندا سازلانیر
ای اولوس علی دیر تانری ائوینده
تانری نین ولی سی وارلیق ئونونده
ایشیقی ساچیلیر وارلیق بویونا
محمد دایاقین باسیر باغرینا
رجبین اون اوچی بئله پاریلدار
عدالت علی نن یولون آچدیرار
کعبه ده دوغولان علی اولوب دی
علی دیر ایلکده اینام سالیب دی
دایاقین علی دن محمد آلیب
غزوه لر علی نن اوستونلوک تاپیب
علی نین سوزلری بیزلره قالیب
بیلیم ده اوچ جوره اولماقین یازیب
***
گوروش اونلوگی (دهه بصیرت) گوروش اونلوگی یولون سالدیریر
باشچی لیق بویولدا تانیق تانیدیر
صون نبی باشچی یا تانیق لیق ائدیر
چاغیریر مولانی وارلیق بیلدیریر
علی دن عدالت گوروب صون نبی
علی ده شجاعت بیلیب صون نبی
علی دیر مللته بیرگوزده باخیر
علی دیر سخاوت وارین نان یاغیر
علی دیر همای رحمت آدلانیر
علی دیرکوثره وارلیق تانینیر
علی دیر اویودون یولون آچدیریر
علی دیر گورومده اویود تانیدیر
گوروش اونلوگی جوشان بولاق دیر
علی دن باشلانیب هله آخان دیر
گوروش اونلوگی حققین بلله سین
سویلاردا کرامت دیلده دیلله سین
کولتورده عدالت یوللارین آچسین
عدالت باغلاری یئمیشین سالسین
گوروش اونلوگی وئرسین برکت
سویلاردا یارادسین کولتور حرکت
گوروش اونلوگی حرکت وئرسین
وارلیق باغیندا ایشیقی دئسین
اسلامی اویودلر وارلیق بسله در
کرامت وارلیقین اوزلوک دیلله در
ائولنمک گونی
( ملی ائولنمک گونی)
گونلر عومور باغینین بوداق لاریدی
بوداقلارین یارپاقی عوموردن پای آلاندی
یاشام ایچینده گونلر هره بیرآد آلیب دی
مونا سبت حیصه سی بو آدلارا قالیب دی
موناسبت وارلیقی اثر لری باغلا دیر
قالارلی اثر لری موناسبت ساخلادیر
بو گون کوثر بولاقی آخیم لارین باشلادیب ایزلری بوآخیمین دنیالارا یاییلیب
علی بو گون کوثرین وارلیقینی یازدیریب فاطمه بو وارلیقین ایزلرینی سالدیریب
علی بوکوثرینن علی نی ساخلادیب دی
فاطمه ده علی دن فاطمه لیک آلیب دی
شرف لرین مایاسی فاطمه بیلله نیب دی
قادین لارین سروری فاطمه دیلله نیب دی
پارلاق آخیم کرامت فاطمه دن سالیب دی
عدالت اوز بقاسین کرامت ده تاپیب دی
عدالت ده کرامت سویلار اوچون بیلله نیر
سویلارین کولتورلری کرامتی دیلله دیر
کوکدن قیریلمئیانلارکرامتی ساخلادار
اوزلرینی اونودان اوزگه لردن نه آلار
ملی ائولنمک گونی پاکینان پاک لارادی
کرامتده کرامت بیر بیرینی تانیدی
عدالت اوزلوکونونن سوزلوکلری قالاندی
سوزلوکلردن کرامت دنیزلره آخان دی
امامت اوز حققینی سلطه لردن ایستیری
عدالتین قالماسین ئولکه لره دئیری
ملی ائولنمک گونی عدالته باغلانیر
عدالتدن چیخانلار شیطان سایدا آدلانیر
آزاده لر وارلیقا عدالتی سئوه للر
عدالتدن چیخانلار شرافتی خشلرلر
سلطه لرین اوردوسی شرفلری ساخلاماز
ساخلامئیان شرفی عدالتی آنلاماز
ملی ائولنمک گونی شرف یولوندا اولسون
کولتور عدالتینده امنیتی ساخلاسین
***
امام علی
دنیز لر سویو بس دگیل کرامت کتابینا
بارماقی ایسلادماقا ورق ووران کتابینا
دوغوم گونون نن بو گونه چالیشانلار
مینلر مین قلم سوزون یازانلار
بیرجیلوه یاراتماقا جان آتانلار
اویون نان گورومه وارلیق قاتانلار
یانقین دیلارکرامت بولاقیندا کی سویا
ایچدیقجا یانقین اولارلار دا بونا
عظمت بویوک لوک هاممی سی سنده
بیلیم شه هه ری کولتور ده سنده
تعریف ائدمه سن اوزویون بئله واریان
سوچسیز سانماسان پاک واریان
تاپشیریق ائدیب سن کرامت تاپام
داغلارین باشیندا اولسا یول سالام
اوزون نن هئچ دئمز کامالا چاتان
کاماللار یولوندا گئدیشین سالان
کاماللارین سایی نعمت سایی دیر
تانری نین لقاسی ایستک پایی دیر
مشرکین گوزلری ایشیقدان قالسین
دوشونماز کیمسه لردوشونماق تاپسین
علی نین یولونی ساخلادان اولسون
بیلیمی علی دن اویره نن اولسون
دوشونجه قوشلاری اونا چاتانماز
بیلیم آخارلاری اونسوز آخانماز
هرکیمسه وارینی امام بیلندی
اوزوئرمه ایشلری امام گورندی
بیلیریرکه اوننان سورغو اولونسون
وارلیقی وار کن فایدا آلینسین
معاویه سلطه سین امام بیلدیریر
بنی امیه ایشلرین گله جک بیلیر
باشلانیش قورتولوش اونا بللی دیر
مروان و حجاجلار اونا گورسنیر
مهدی نین چاغلارین بئله بیلله دیر
یولدان چیخمیشلاری اوندا گورسه دیر
تانریلیق ادعا امامدا اولماز
صون نبی لیق یئری امامدا اولماز
نبی دن اویره نن امام اولوبدی
گوجلرین تانریدان امام آلیب دی
باخیشی امامین قارانلیقا وار
دووارلار دالداسین گورماقلیقی وار
باخیشلار بیلیم نن آیری اولاندی
بیلیمین ساحه سی یانلیش توتاندی
بو دونیا حققاسین بیلیم آچانماز
بصیرت باخیشی اونا یول سالماز
بیلیمین شهرینه علی قاپی دیر
محمد بیلیمین ئوز ئولکه سی دیر
بیلیم ده یقینه چاتان اولاندی
یقینی باخیشا سالان اولاندی
شجاعت علی نن همدم اولاندی
طاغوتلار والیقین یئره سالاندی
یقینی علی یه تانری پای ائدیب
حق یولا باخیشی علی بیلله دیب
قارانلیق بولوتون علی داغیدار
یقینلراوستونی ایشیق پارلادار
شک یولون اوزونه آچان بو دگیل
قاجلارین یولونی توتان بو دگیل
عدالت یولونی علی بیلله دیب
کولتورده کرامت علی گور سه دیب
کولتورلر پایاسی آنا دیلده دیر
آتانین وارلیقین کولتور سس له دیر
***
علی ساخلادیر
انسان انسان اولماز عرفان اولماسا
انسان انسان قالماز عدالت یانسا
انسان انسان قالار اصالت دانسا ؟
انسان انسان قالار اوزون نن قیرسا ؟
انساندا دغدغه اونی بارلادار
انسانین سئوگی سی اونی پارلادار
انسانین عرفانی اونی قوزادار
انساندا بنده لیک اونی تانیدار
آغاجلار بارلی سی باشلارین اییر
کامالی دوشونجه انسانا وئره ر
عرفان دیر اوجالیق روحا گتیره ر
قانمئیان کیمسه لر کورلارا بنزر
بیلن نن بیلمئین بیراولا بیلمز
قانان نان قانمئیان بیر یولی گئدمز
تانری نان شیطان بیر یولی دئمز
عدالت آختاران کافره سینماز
انسانا انسانلیقی تکجه سوز وئرمز
جانلارا تک فیکر اوستونلوک وئرمز
سئویللرسئوگی سین انسان یارادیر
انسانلیق سئوگی دن اوزی یارانیر
تضاد دا باغلی لیق وارلیق گورسدیر
تانرینان انسان دا ایلغار بیلله دیر
اوزونه سینانلارکیملیکین تاپیر
اوزون نن اوزونه هر نه نی آلیر
محو اولان اوزگه ده دویماقا چاتماز
تانریا سینانلارآغری نی سایماز
عدالت یولوندا گئدن دایانماز
داغلاردان قاسیرغا باجلارین آلماز
سئوگی لر سمایه انسان قوزادار
تانریدان علی لیق علی یه قالار
شهریار آدلادیر همای رحمت
بیله نیر علی دیر دا بی نهایت
انسانلیق گورسنمه اوندا بللی دیر
تانریلیق دییرلر اوندا سسلی دیر
وجود دا اصالت علی ساخلادیر
ئولکه ده عدالت علی تانیدیر
***
عدالتی ساخلادان علی
نبی سالان یول اوسته عدالت گورسه نیردی
عدالتی ساخلادان علی وارلیق سالیر دی
عدالتین قاجلاری علی یه قاج اولدولار
علی سالان یوللارین کورپو لرین یئخدیلار
عدالتدن چونن لر خائن اولان لاریدی
اوزلریننن قیریلیب اوزگه لره سینیردی
اوزگه حکومتلری خائن لری ساخلیردی
خائنلرین الین نن ایشلرینی سالیردی
طاماحین ایشلرینن خائنلر چوخلاشیردی
سئوگی دادین دادمئیان وارلانماقا سینیردی
بنده لره بنده لیک پیرو لاردا یاراندی
طاغوتلارین سلطه سی کافرلره قالاندی
یولداشلاری علی نین عدالتدن قیردیلار
بودونیانین سئوگی سین باشلارینا سالدیلار
دنیا گوزللیکلری چوخ گوزلری باغلادی
مسلمانلیق یولوندا عقیل کوزون کورلادی
ایش اورایا یئتیشدی علی یالقیز قالیندی
یالقیزقالان کیمسه نین کونول باغی یانیلدی
کونول سوزی علی دن قویولاردا سسلندی
عدالتین وارلیقی ذیروه لردن چوخ اندی
علی نبی یولوندا یالقیز جاسینا قالدی
حسن علی دن سونرا امام لیقا تانیندی
خائن داها چوخلاشیب اوزلرینی دانیرلار
دانماقلیقین یولوندا وارلانماقا چاتیرلار
حیات یولداشی اولان باخین نئجه آلدانیر
اصالتی اوزون نن باخین نئجه کورلادیر
خریطه نی سالدیریر امامینی یوخلادا
ایلک بونی یوخلادا سونرا اوزون باغلادا
حکومت آلدادیشی عدالتی ئولدورور
خائن لیقین آلاوی اوزونی ده یاندیریر
ایش چاتیری حسینه اصالتی بیلله ده
اصالت ده عدالت طایفاسینا گورسه ده
خائنلرین کولتورون سلطه الین نن آلیب
دیللرینی اونلارین اوزلرینه بنزه دیب
ایلک اوزون دانانلار امامینی دانیرلار
عدالتی ساتانلار حقیقتی ساتیرلار
قولای آلیش وئریشده آلدانیشدا قالیرلار
چوخلارینی شیطانلار وعده یه باغلادیرلار
وعده لره باغلانان ریاسته سینیبلار
ریاسته سینانلار آخرتی ساتیبلار
شعورلای یاندیران شعارلاری سالدیریب
توده لرین بئینی نی آلدادیشدا ساخلادیب
حسین گره ک کولتورلری بلله سین
توده لرین وارلیقین اوزلرینده دیلله سین
زور دانیشیق قانمیری عدالتدن قاچیری
امنیتی سالماقا آلدانیشی سالیری
آلدانیشدا قالانلار خائنلره باغلانیر
خائنلره باغلانان عدالته قاج اولور
بیر یول دا وار حسین اونی بیلله دیر
خائنلرین وارلیقین آل قانینان گورسه دیر
خائنلرین چوخونون قانلارینی آخیدیر
خائنلرین یوللارین وارلیقلاردان داغیدیر
امام آزادلیق دئییر آزادلیقی سئودیریر
بیر تانریا بنده لیک سوی لارینا ایسته دیر
جهادینان عقیده حیاتلاری گورسه دیر
کرا متلی حیاتی قاهر یاشام دیلله دیر
مقهور حیاتدا قالان گونده ئولومون دادیر
آل ئولوملر بارلارین حیات لارا سالدیریر
خائنلرین وارلیقی یاشاما ذلت سالیر
دوشونجه نین باغینی یاشاملاردا اودلادیر
زور ساتانلار اوزلرین تانریلیقا بیلدیریر
شیطان ایستکلرینی باخا باخا سئودیریر
عدالتین کففه سی یونگوللوقدا ساخلانیر
آلچاقلیقین اوستونه پارلاق گئیم سالینیر
خائن اولان کیمسه لر ظالیم لره سینیرلار
ظالیملره سینانلار مللت لرین ساتیرلار
ئولچولری آرادان پوزقون سالیب گئچیرلر
کرامتی سویلاردان آتیب شرف بیچیرلر
سلطه لرین زورلاری سویلارا دیل باغلادیر
ولتورلرین تالادیر آییری کولتور قالادیر
سویلار قوزی اولاندا پوزقونلوقدا قالیری
شرف اود دا یاناندا اسکیک لیقی آلیری
پایلارینی وئرنلر انسانلیقی ساخلاماز
آلچاقلیقدا قالانلار تانریا بنده اولماز
خائنلرین ایشلری طاغوتی ساخلاماقدی
کولتورلرین قایناقین اوزلرینده پوزماقدی
آزادلیقین یولونی حسین اوزی گورسه دیر
حیاتین قالماسینا شهادتی بیلله دیر
خیانتین قاپی سین شهادتلر باغلادیر
خائن لرین وارلیقین سولارینا تانیدیر
هر چئوریم اوز ایشینی حق یولوندا باشلادا
ایلک گره ک خائنین وارلیقینی پاک لادا
عدالتین یولوندا خائنلری یوخلادا
گیزلین اولموش خائنین وارلیقینی تانیدا
شهادتین یوللاری خائنلری تانید سین
کولتورلرین وارلیقی خیانتی داغید سین
خائن لرین یئریشی ایلک گر ه ک باغلانا
وارلیقلاری خائنین حتما گره ک تانینا
عاشورانی تانری اوزی یازدیریب
خائنلری حق یولوندا تانیدیب
عدالتین یوللارینی حسینی نن تانیدیب
شهیدلرین قانینان حق باغلارین سوواریب
عدالتین باغلارین شهید لردی سوواریر
کولتوره آزادلیقی شهید لردی سالدیریر
بو شهیددیر بنده لیگی بیلدیریر
بوشهید دیر آزادلیقا جان وئریر
آیه لر وارلیقین سلطه لر دانا ر
حق یولوننان چیخیب باطلی توتار
یالانچی فاسقین سونی بللی دیر
حق اورتن قاجلارین یولی بللی دیر
حقیقت وارینا قاجلیق سالانلار
آلچاق بیر یاشامی توتارلار اونلار
شهادت سعادت آیدین وئردیره ر
شهیدلر تانریدان روزیلار یئیر
حقیقت وارلیقین کیمسه لرتوتوب
وارلیقی حیاتدا اوزونه آلیب
حکومت مست ائدیب کیمسه توتماسین
بئش گونلوک بودنیا کیملیک پوزماسین
شیطانین آتلاری یئریش سالماسین
سویوموز وارلیقی سیزده باتماسین
گلین سیز عدالت یولون ساخلایین
سون حیاتی اوزوز اودا یاخمایین
سویوموز کولتورون اوزی ساخلاسین
بیلیمین یولوندا کولتور قالاسین
یزیدی سلطه لر عبرت ائله سین
قارونون سونونی آیدین بلله سین
***
علی حققه دایاقدی
انسان اولان باج وئرمز شیطانا یاردیم ائدمز
قاجلارینی ایسته مز سلطه لرین بلله مز
وارلیق کرامت ده دیر کرامت اوزی حق دیر
سوی تانری یارادیب وارلیق بایراقی حق دیر
سلطه اوزون ساخلادار قالماقینا یول سالار
سویدا فیکیر باغلادار یوکلرینی آرتیرار
سوی وارلیقی تانریدان تانری عدالت سئویر
حققین آلان سلطه دن اوز وارلیقینی دئییر
سلطه گوجی سویون دیر سویلارینان یارانیر
سویلار اوزون اینانسا سلطه یه نمنه قالیر
سویلاردا خائن اولان سلطه لره دایاق دیر
چئوریمه یولون سالان خائنلردن اوزاق دیر
علی عدالت دئییر عدالته شهید دیر
عدالتین یولوندا وارلیقینی گورسه دیر
تالانچیلار سلطه سین علی اوزی پوزاندی
شیطانلارین حققاسین آیدینلادیب آچاندی
سویوموز اوز حققینده علی یولون توتاندی
آل قانینی پایلادیب کیملیکینی توتان دی
***
علی وصیت نامه سی
حدیث کتابلاریندا یازیلمیش اولوب
ابوالفرج کلینی اولماقیــــن یازیب
بحار الانواردا مــــــجلسی یازیـــب
اوز دیلیمیز، ایندی بئله باشلانیب
ابیطالب اوغلی علی وصیت ائدیر
یوخدیر تانریدان آییریسی، دئییر
اسلام دینی دیر اوستونلوگی وار
کافره خوش گلمه سه ده ،قالماقی وار
تانرینین سلام برکتی اولسون اونا
تانرینین صلواتی اونوینان طایفاسینا
تانریا دیر نامازیم بنده لیگیم حیاتیم
اونون شریکی اولماز منیم اونا مماتیم
ایلک مسلمان منم تقوایا تاپشیریرام
اوغلوم حسنی طایفانی چاغیریرام
مسلمان لیقینان دونیادان کوچون
تانری ایپین سویلارا باغلایین
ملتلر آراسین یاخشی سازلایین
ایلگی کورلادین دین کورلادمایین
تانری گوجون نن گوجلی سی اولماز
صله رحیم نن عومـــــورآزالماز
صله رحیم نن حساب آساد اولار
ایشلرین صونی یاخشی لاشار
قورخون تانریدان یئتیم باره سینده
سیناق واردی تانرینین ایشلرینده
قورخون تانریدان قونشو حقلرینده
قونشودان تاپشیریق وئریب نبی ده
حورمتی قونشونون اوستون اولوب
ائله بیل قونشویا سهمی وئــــریب
قورخون تانریدان قرآن باره سینده
قاجلار اولماسین قاباق، گورومــده
قورخون تانریدان ناماز باره سینده
دین پایاسی بیللنسین سیزده
قورخون تانریدان کعبه باره سینده
گئدیلسین کعبه یه عومور ایچینده
تانری عذابی یاشام فرصتی وئرمز
بوش قالا کعبه حیــــات دئریلمز
قورخون تانریدان زکات باره سینده
اونملی دیر زکات تانری حیرصینده
قورخون تانریدان اوروج باره سینده
قالخان دی اوروجلوق اود باره سینده
قورخون تانریدان یوخسوللارا
ائدین شریک یوخسوللاری یئمک وارا
قورخون تانریدان قورخون جهادا
مالینان جانینان دیلینن اولا
قورخون تانریدان امت پیغمبره
ستم اولماسین گه لــــه بو امته
قورخون تانریدان اصحاب پیغمبره
ستم اولماسین گه له اصحاب پیغمبره
قورخون تانریدان گوجسیز لره
ائدیب نبی تاپشیریق گوجلی لره
نامازا نامــــازا سست اولمایین
قاجدان پیس لیکدن سیز داریخمایین
شردن ساخلاماق، تانری کافی دیر
کرامت ساخلاین وارا یاخشی دیر
بویوروق یاخشیا سیزینن اولسون
منکرلر یوللاری قوی باغلی قالسین
بویوروق یاخشیا، پیسدن ساخلاین
ایشلرین ایپی نی الدن سالمایین
بویوروق یاخشیا سیزده اولماسا
منکرین یوللاری باغلی قالماسا
تانریا دعالار قابـــــول اولونماز
وارلیقدا کــــرامت اله سا لینماز
بیر بیره یوموشاق اولونما لی سیز
آیریلیق یوللارین باغلاد مالی سیز
یاخشی لیق بیر بیره دایاق سالدیرار
سوچلارین قاباغین سیزه آلدیرار
***
قیزیل یئغمادی
حریم حرم ده بیلله نن چوخدی
آبیده ایشلرین گوردورن چوخدی
مین میلیارد تومنلر یاتیب اورادا
گوزلرین قاباغی گوزل اولادا ؟!
قربانین اولوم غــــریب ای امام
بیلمیرلر نمنه دن غریب سن ا مام
حکومت ایچینده گوجسیز سنیدین
توپلوملار ایچینده پارلاق سنیدین
سوزلی لرایچینده وارلی سنیدین
عدالت مولکونده حاکم سنیدین
باشچی لار عدالت سئون اولمادی
عدالت کولتورون وئرن اولمادی
مللته دایاقلیق یاخشی سالمادی
مللتدن دوشونجه قیردی وئرمه دی
زووارلار ضریحه بنده اولوبـــــلار
بنده لیک یولوندا اسیر قالیبلار
قالمالی ایشلری گوزه آلیبلار
عدالت مولکون نن اوزاقلاشیبلار
اماملار ساغلیقدا قیزیل یئغمادی
هئچ بیر آبیده لر بئله سالمادی
گوزللیک آرامش، حققین وئرمه دی
امنیت عدالت، سوزون دئمه دی
عقیلی اماملار تعطیل ائتمه دی
دویغودان وارلیقا چیخیش دئمه دی
معنوی اوستونی نمنه ده بیلاق
قیزیل دا گوموش دا نمنه ده دئیاق !
چوخلی ایل بو ملت یوخسول قالیبدی
وارینی داغیدیب گوجسیزاولوبدی
قاجلارین کولگه سین باشا سالیبدی
ذللتی قاجلاردان جانا آلیبدی
مللتین فیکری زواللاشیبدی
عقیلین باغینا آلاو سالیبدی
یاردیم ائت عقیلین یولی آچیلسین
یاردیم لیق ائدنلر یاردیم لیق آلسین
عدالت باغلاری گئنیش لیق سالسین سویلارین وارلیقی کرامت تاپسین
***
عبادت محرابیندا
یارالی باشدان قیزیل قان آخیب
مللتین گوزلری قان یاشا دولوب
ملجم مرادی ووروب توتولوب
علی نین الینده دوستاقدا اولوب
انتظارهاممی نین گوزونده قالیب
نه لر اولاجاق سوزی داغیلیب
گتیریبلر علی نی اوباسینا
ندا وئریبدی علی بالاسینا
حسنین باهانا توتماین اولدورماقا
ئولدورمایین ملتدن هر جور اولا
بیر تکجه نفر دیر ووروبدی منی
قصاص ائدسز ائدین تکجه اونی
اثیر بن عمرو حاذق حکیم دی
بیر داواری کسین اثیر دئدی
داوارین جییرین نن بیر دامار
قویدی یارایا هیهات گل آپار
علی! ضربت ایشلییب درینه
گئدیب چاتیب دیر او بئینه
یوخدیر علاجی وصیت ائیله
علی ایسته دی کاغاذ داواتی بئله
دینمز دوروبلار امام بالا لاری
توتولوب دیر آغریدان کونوللری
قولاق وئریبلر امامین سوزلرینه
وصیتی فریضه بیلیرلر اوزلرینه
هوشدان گئدیب امام گئنه آیئلیب
اوغلی حسنی اورایا چاغیریب
حسن جان گل سوزوم وار سنه
سون گئجه دیر بو گــــئجه منه
اولدوم منه غسل اوز الین نن
نامازی منه اوخی اوز دیلین نن
گیزلین جنازمی کوفه دن چیخاد
کیمسه گورمه سین توپراقدا قویلاد
مللتین الین نن گئد دی امامی
بورادان تانریا کوچدی امامی
ندن بوگئدیش گیزلین اولوبدی
ملت قافاسی نه یه دولوبدی
غری آدلی یئرده قویلاندی
نجف اشرف اورا بو چاغ آدلاندی
امام حسن خطبه باشــــلایب
تانری آلقیشین ایلک خوشلایب
سونرا دئییری امامنان بیلین
بیر کس اونا چاتــــماز بیلین
بو شهادت گئجه سی موسی ئولوب
بو گئجه ده دنیادان عیسی گئدیب
قرآن دا بوگئجه ده نازل اولــــوب
رحمتین هماسی علی آدلانیب
قعقاع زاره اوغلی سوزه باشلایب
تانـــــریا آنــــــد ایچیب دئیب
ملت گر علی نن اولایدی او چاغ
توتایدی کرامت اولچوده بیر داغ
نانکورلار داها حق یولوننان چیخار
دونیانی توتان علی نی توتــار؟
صعصه"بن صوحان دا سوز باشلادی
دوزوم توتماقی او داها خوشلادی
دئدی ایستکینه علـــــی چاتیب
تانری نین یانیندا حیاتین تاپیب
شهادت علینی مسجید ده توتور
علی وارلیقی کعبه ده دوغولور
عدالت توتانلار امامین تاپار
امامینان اونلار محــــشور اولار
***
باخیشیندا باشچیلار
علی یولی باشچیلاری بیلله دیر
شیعه لره عدالتی امنیتده دیلله دیر
عدالته برک اولماقی بیلدیریر
امنیتی عدالتده سئــــودیریر
یاردیملیقی گوجسیزلره سالدیریر
گوجلی لرین سلطه لرین داغیدیر
سوی کولتوری اللرینده قالاندی
کولتور پوزماقلیقی سلطه سالاندی
دینی دئییر اوز یئرینی ساخلاسین
یاشام وارین اونلارینان دادلاسین
آبادانلیق ئولکه لره سالینسین
دیللرده یوخ گوروملرده اولونسون
ملت لرین حق پایلاری وئریلسین
کولتور پایی اونملی سی بیلین سین
قاجلارینان قاج اولماقلیق یاخشی دیر
سینماق قاجا اسکیک لیقین تایی دیر
امنیتی عدالتــــده ساخلاین
عدالتده سوی پایلارین وارلاین
استبدادین یولارینی کورلاین
استبدادی سالان لاردان اولماین
ایکی اوزلی ایش باشیندا اولماسین
خیانتین سویلارینا سالماسین
تبعیض سالماق یوللارینی باغلاین
سلطه سالماق یوللارینی سالماین
ساده لیکده یاشاملاری ساخلاین
اسراف کارلیق یوللارینی آچماین
***
علی نین آغریلاری
سئوگیلیم بیلیسن شکایتیم وار
سویوم نان گورو سن قطع رحیم وار
الیم نن چیخاری آلان اولوبلار
یئریمی توپلومدا اسکیک توتوبلار
حققیمی الیم نن آلان اولوبلار
منی نن توققوشما اونلار سالیبلار
گوجوینن حققیمی من نن سالیبلار
حققی سالماقا نــــدا وئریب لر
غصه لی دوزومی منه دئیب لر
منیم یاردیمیمی اوزون ائدیب لر
الهی طایفامی یاردیمدا ساخلا
کرامت یولونی بیزینن پارلا
دوزوم یوللارینی سالان اولموشام
اوزومم علی ، یالقیز قالمیشام
یئغیشدیز عثمانی ئولدورن اولدوز
منیله بیعـــــته یانیــــما گلدیز
من قابول اتمه دیم اصرار ائیله دیز
چوخ لاریز باشیما یئغیشان اولدوز
سیز دئدیز بیعته تکجه اوزون سن
اولماز آییری لاری بیر لیک وئریر سن
آییریلیق اختلاف گل بیزه سالما
سنه بیعت ائداق بیزی داغید ما
طلحه زبیر ده بیعت ائیله دی
اوردونون هاممی سی بیعتی دئدی
ائشیددیم صونرا دا ایکی باشچی لار
مکه دن بصره یه یولا دوشوب لار
اونلارین اوردوسی بصره یه گلیب
بیعت ده اولانی ازیب ئولدوروب
طاماحکار جفاکار شامی لر صونرا
واردی چوخ یئرلری اویود آلماقا
اونلاری بیرلیکه چاغیران اولدوم
اونلاردان آیریلیق لاری دا گوردوم
اوزبه اوز اولماقین یولون توتدولار
نیزه ینن اوخلارین بیزه آتدیلار
اوردونی یئغدیلار دویوش باشلاندی
آلدادیش یوللاری گئنه خوشلاندی
قرآنی قوزادیب ندا وئـــــردیلر
قرآنا سیز گلین سوزون دئدیلر
دئدیم دا سیزلره حققا ایشی دیر
سستلوق اولماسین قاج ایستکی دیر
سوزومه باخمادیز قابول ائدمه دیز
دویوشی صونونا باشا وئرمه دیز
باریشین یوللارین آختاران اولدوز
ایکی کیمسه نی باشچی بیلدیردیز
قرآنی بلله دیب حکم ائیـــله دیز
قاجلیقین یولون نان چیخان اولمادیز
قاسطین آدینان بونلار آدلانیب
تاریخین بویوجا آیدین گورسنیب
گئنه ده بیر عده بیزدن آیریلدی
کورلانما ایشینی سالیب ئولدوردی
سیندیرین قاجلارین دئدیم وارلیقین
دئدیزدا قورتارین دویوش سالمایین!!
کوتله شیب قیلینج و داها نیزه لر !!
ایریلیب اوخلارین باشلاری بتر!!
قایئدین ئولکه یه سایلار چوخالسین !!  

درج شده در تاریخ ۹۳/۰۳/۰۳ ساعت 19:00

کاربران آنلاین (0)