درباره من

تانری آدینا
محمود و احـــــمد
و
امام جعفر صادق و امام ایضاء
و....


تورک دیلینده
یازان : جعفر احمدیه



محمود و احمد
ایلک یارانمادا یاراندی ایکی ایشیق
تانری پارلاقین نانیدی ایکی ایشیق
گونئی دن باتی یا سالدی ایشیقین
رسولون دوغومون وئردی موشدولوقون
رسولون آدینا آدلار قویولدی
محمد واحمد و عبدالله آدلاری اولدی
دالیجا طاها و یس و نون و مزمل
آدلاری داها جا اولدی دا تکمیل
مدثر و رسول و ذکر چوخالدی
آدلارین سایی اونجا سایلدی
محمد اولان اوبا موبارک اولوب
برکت وارلیقین اوردا بیلله دیب
باخیشدا عظمت بویوکلوگی وار
اوجا قامتی داشقین سینه سی وار
مللته هادی دنیا غمین آتان
تانریدان قورخان مللته گولوش توتان
حق وارلیقینی گیزلین سالان وار
حقیقت وارینا قاجلیق سالان وار
حق آیه سین گیزلین سالیرلار
منفعت یولوندا حققی دانیرلار
یهود و نصارا حققی دانریلار
خاقانلیق ساخلاماقا یالان سالدیلار
سویلاردا کرامت اوجور دانیلیر
سوی وارلیقلاری بوتون یانیلیر
محمد مخلوقون سروری دیر
محمد وارلیقین حق محوری دیر
آییری لار ایلک اوزلرین دئیر
عدالت ساخلامیر زورون بیلدیریر
بورادان فسادا یولی صافلادیر
عدالت یولونی سویا باغلادیر
***
جعفر صادق
حریم عزتده دوغوم تاپیب دی
شریف بیرطایفادا وارلیق سالیب دی
بوتون طایفاسیندا پاک لیق اولوبدی
بیلگینلر صوفه تین چوخلی دئیب دی
حکیملر تعریفی دوشونماق دادی
وارلیق دا پاکلیقی بللنماق دادی
اونا تای بیر انسان اولونمویوب دی
حیانی اوزونده چوخ ساخلادیب دی
سخاوت وارلیقین بوتون توتوب دی
متانت اخلاقین بویاق لادیبدی
رسالت موهوری وارلیقین دادی
وارلیق ئولچولری تانری سیندا دی
عومورقورتولوشون تانری بیلله دیر
هر امت وارلیقین صوندا بلله دیر
نسیل دن نسیله آدم نن گلیر
جدینه یئتیشیب عبدالله بیلیر
اصل و نصب ده پاک لیق گورسه دیر
دوغوملارهاممی سی مشروع گورسه نیر
طایفالارین یاخشی سی بنی هاشم دی
مخزومیه قبیله سی شریف اولاندی
آناسی آمنه وهب قیزیدیر
اصیل ایشی هادی امانتی دیر
تانری اونی سئچیب انتخاب ائدیب
بیلیم آچارلارین اونا وئردیریب
حکمت بولاقلارین اونا پایلادیب
رحمت پایلاریندا اونی بلله دیب
اونا بیر کتاب وئریب هرنه اوندادی
تقوا یوللارینی گورسد ماقدادی
کتابی اوخویوب آنلامین دئیب
اوننان دینی نی آیدین بیلله دیب
واجبی گورسدیب یولون بیلله دیب
قورتولوش یوللارین اوزی دیلله دیب
مخزومیه : فاطمه مخزومیه
***
امام ایضامیز
سویوموز گوزلرین قان یاشا دولسون
کونول قا ن آغلاسین گوزلردن آخسین
گیزلین ساخلامیشیق سوی سینه سینده
سئوگی آلاولارین سینه ایچینده
آلاولار ایشیقی گونش کیمی دیر
بولوتلار گونشین قاباغیندادیر
سئوگی یولوندا سوی بویاقلانار
ارنلر ایگیدلر قاننان بویانار
عدالت سئوگی سی سویو جانلادار
جهالت قاجلیقی سویو داغلادار
عدالت آخیمی سویدا آخاندیر
اوزی قان آغلاسا قان آغلاداندیر
سوی هونر یاغدیرار بارماقلارینان
دوشونجه آرتیرار کولتور وارینان
عدالت کیمسه یه قوربانلیق اولماز
امامی ایضا میز عدلی بوراخماز
قوربانلیق ایستیری عدالت اوزی
اماملار قورباندیر بو عدلین سوزی
کولتور عدالتی سوی دان آیریلما
ارنلر قانینان سوی بوراخما
دوشونجه بایراقین سویلا اوجالدین
جهالت سلطه سین سوی دان آزالدین
سوی دا قان گوز یاشی داها آخیدین
***

بیلیملی یاراندی امام باقر
علی دن قالاندی امام باقر
اوستونلوک بیلیم نن توتاندی باقر
کیملیکین اوزلوکون ایناندی باقر
اماملار اوزلوکون ایلک اینانیب
اوزلرین تانریا اونلار باغلادیب
ذیروه لر یولونی اماملارسالیب
ذیروه ده کرامت سویلارا آلیب
اماملار ذیروه سی بیز لره واردی
کرامت اونلاردان بیز لره قالدی
شکرتم بیزلردن وارلیق ساخلادار
کفرتم وارلیقی بیزدن آپارار
ذیروه لر بیزیم دیر تقوی ساخلاساق
چتین لیکده وارلیق بیزلر بسله ساق
آما قاج بیزلری سیندیران اولوب
فیکیرین باغینی یاندیران اولوب
اویرنجی کیمسه لر اوزلرین دانیب
ذیروه بوراخیب مودلاردا باخیب
بئله بیر اویرنجی امام تانییار !!!
اماملار یولوندا گورومون سالار
بئله بیر اویرنجی قاجین تانییار !!!
اوزلوکون قاجلاردان ساخلادان اولار !!!
***
محمد یولوندا
سئوماقی سویوموز باشچی یا سالیر
باشچی نی حقیقت یولوندا تانیر
محمد یولوندا حق باشچی سی دیر
دین یولوندا جهاد حق دایاقی دیر
سویوموز وارلیقدا محبت بیلیر
ملی بایراقینا ن حقیقت دئییر
حقیقت سئوماقا بیلدیریش اولوب
محمد یولونا دوزوم سالدیریب
قرآنین ایشیقین سویلارا سالیب
سویلارین وارلیقین تانری تانیدیب
سئوماقی بیلمیری نانکور جماعت
دانماقی قانمیری نانکورجماعت
آیه لر دانانا کافر دئیلیب
کافرلر سلطه سی باطل بیلینیب
حققینن باطلی داغیدماق گره ک
باطیلین سلطه سین آزادماق گره ک
باطیله سینانلار حقدن اوزاقدیر
طاغوتا سینانلار اونا دایاقدیر
سویلارین گوجوینن باطل پوزولار
سویلارین گوجونه حق دایاق اولار
***
امام ایضانی
حکومت زوروینان منصبین وئریر
منصبه چالیشماق سوزونی دئییر
امام رضانی منصبه قاتیر
امامنان اوزونه اومود باغلادیر
حکومت ملت ده کولتور پوزوردی
ملی وارلیقلارا آلاو سالیردی
عدالت بویاقین اوزدن یاخیردی
آلدانیش یولوینان فیکر قاتیردی
حکومت اوزونه چالیشماقدایدی
بو ایشه هر نه دن یاردیم آلیردی
حکومت بویاقین یاخدیران اولار
وارینان وعده ینن یول سالان اولار
آلدانیش توتمویان اوزون تانییار
اوزونه اینانیب کولتور ساخلادار
منصبه قاتیشماز بویاقین توتا
گونشدن آیریلماز قارانلیق سالا
منصبین ایچینده اوزون ساخلادار
سلطه یه دایاقلیق یولون باغلادار
آییری بیرحیصه یه اینام باغلادار
حقیقت یولوندا اوزون پارلادار
قیزیل هربیر یئرده اولا قیزیل دیر
اوزلوکی اوزونده داها وارلیق دیر
اوزلوکون ایتیره ن قوندارما زاد دیر
قوندارما زادلاری آلماق راحات دیر
رضامیز قیزیل تک اوزون ساخلادیب
حکومت بوایشدن اودلانیب یانیب
بونلاری بیلن نن بیلمئین بیر دیر ؟
گوزلی نن کور اولان ایکیسی بیر دیر ؟
فیکرلی فیکر سیز بیر اولان دگیل
خائن نن خادمین یولی بیر دگیل
***
امام ایضا سوزونده
مهدی نین وارلیقین چوخلاری دئیب
زامانی چاتمامیش چاغین بیلله دیب
ایشیقی اوزون نن قاباق پارلانیب
وارلیقی چاتمامیش ایشیقی چاتیب
قوری بیر اینانیش وارلیقدا دگیل
سونرادان بیللنمیش اوز وئرمه دگیل
آنادان اولمامیش سوزی واریدی
دوشونجه دالغاسین واری سالیردی
اماملار دئیبلر چوخلی سایلاردا
مهدوی کولتوری قالیب سویلاردا
انتظار کولتوری چئوریم یولی دیر
عدالت سالماقا گوجی وارلی دیر
تانری نین حجتی یئردن اوزولمز
بیر آنجا اوزولسه یئر داها دوزمز
قیامت اولانا حجت قالاجاق
عدالت مولکونه کولگه سالاجاق
احمدی تانییان علی تانییار
علی نی تانییان مهدی تانییار
احمده کافرلر مهدی نی دانار
مهدی نی دانان لار ظولمی سالدیرار
یئر اوزونده ستم سالانلار بیلسین
سویلارین کولتورون اوزونه وئرسین
بایراقی ستمین آلاو توتاجاق
سویلار اوز وارینا بیر چاغ چاتاجاق
آلدانیش یولوینان مه کیر سالمایین
سویلارین الین نن کولتور آلمایین
موسانین یولوندا مهدی گورسه نیر
عدالت بقاسین مهدی بیلله دیر
حضرت خاتم ده مهدی نن گه لر
منجی عدالت حقی بیلله در
رضا دامهدی نین غیبین نن دئییر
انتظار یولونی اوننان گورسه دیر
***
ایضا ساخلادیر
حق اولان آخیمین قایناقی یئرده
طاغوتلار بیلمزلر گوجی نمنه ده
شرایط اونلاری گوجلی ساخلادیر
آخیمین یولونی سریه یه سالیر
داشلارین ایچین نن اوجا داغلاردا
بولاقلار گوز آچیرآخیم سا لماقدا
داغلارین وارلیقی سویو آخیدیر
دره لر یاتاقی سویو چاغیریر
ائله بیر گوز یاشی آخیر یاناقا
یاناقدان یول سالیر آغیز دوداقا
بوقایناق قالدیقجا آخیم سالاجاق
اوزونی گورسه دیب وارلیق دئیه جاق
شیعه ده حقیقت یولون توتاندی
ذیروه لر حققی نن قایناق آچاندی
طاغوتلار دره سی شیعه یولوندا
باطللر ئولکه سی اونون ئونوندا
ایشیقی گتیریر قارانلیقلارا
چئوریمی سالدیریر فیکر باغلارا
تانیدیر مظلوما سینیق قالماسین
وارینی کولتورون اوزی ساخلاسین
وارینی بوراخیب الین آچماسین
وارین نان قیریلیب اونی آتماسین
اوزونه اینانیب دوشونسون اوزون
دیلینی تانییب ساخلاسین دیلین
اوزگه لر دیلینه باشین وئر مه سین
تانرینی بوراخیب اوزگه دئمه سین
حکومت رضانی قاتیر اوزونه
رضا ساخلادیر سوزون اوزونه
اوزلوکون وارلیقین الدن وئرمیری
دوشونجه فیکیرین یئره قویموری
رضامیز ظالیم نن بویاق آلمیری
بنی عباس اونی واردان سالمیری
***
امام ایسته میر
ولیعهد اولماقی امام ایسته میر
نییه که حق سیزه حق وئره بیلمیر
بوخصلت امام نان چوخلی دئیلیب
آمما سویلار بونا فیکر وئریلیب
امام باشچی دیر یولی گورسه دیب
آلدانیش یوللارین آیدین بیلله دیب
دایاقین حق سیزه امام سا لمیری
اومودی مظلوم نان امام آلمیری
حکومت حققاسی اونا ایشله میر
دونیالیق ریاست اونی باغلامیر
ایشی نن باطله وجهه پایلامیر
قارانلیق اوستونه ایشیقین سالمیر
کولتوری سویلارا امام گوجله دیر
زورورینان منصبی سویا بیلله دیر
گورسه دیر سویلارا باطل گوجونی
بیلله دیر ریانین گیزلین اوزونی
سویوموز باشچی سی قاجا باغلانسا !!
قاجلارین سلطه سین سویا سالدیرسا
امامین شیعه سی اولانماز او کس
مظلوم لار پایلارین آلانماز او کس
اوزونه ریاست آختاران کیمسه
خیانت یولونا باغلانان کیمسه
هارادان حق اوچون خادم اولاجاق
تانری نین یولونی پارلاق سالاجاق
***
احمد و محمود و ..
تا نری حراملارین گورسه دیرم
تانری گوجلرینی بیلله دیرم
گلمیشم بتلار سیندیرام
ستم کوکلرینی یئردن قازام
کونولون سئوگی لرین آیدینلادام
سئویللر وفا لارینی ساخلادام
قارداشلیق یولون سویلارا سالدیرام
احسانین سوفرالارین سویدا آچام
تانرینین پایلارینا باخیش سالام
آداخلی شهید لره یول تانیدام
معراجین وارلیقین تانری بیلله دیب
آزادلیق یوللارین سئوگی گورسه دیب
پاکلیقی رسالته عدل وئریر
شیعه یوللارینی عدل دئییر
علی دیر عدالت یولی
فاطمه نین سئوگی سی
کولتور ده عدالت سسی
پاکلیقی رسالت ده بیلدیریری
عدالت یولدا شهیدین وئریری
عدالت دایاقیندا تانری دوروب
حقیقت وارلارین سویلار پارلادیب
سویون وارینا کدر سالمارام
طاغوت سلطه سینه یئری آچمارام
احمد و محمود و محمد آدیم
تانری پارلاقیندا وارلیقلاریم
***
صون نبی
آدینان وارلیقین بللی اولوب دی
سئوگی دنیز لری دالغا سالیب دی
کعبه ایشیقلانیب پارلاق اولوب دی
وارلیق نغمه لرین دونیا توتوب دی
تانری قوللوقونا یولون آچیب دی
بتلارین سلطه سین واردان سیلیبدی
فیکر باغلاریندا سوزون اکیب دی
دوشونجه میوه سین کولتور بیلیبدی
دونیا بویــــوجا ایـــــزلری قالیب
سویلارین باشینا کولگه سین سالیب
فرعونلار گلیب سونرا داغیلیب
بیر آزجا فیرلانیب ایزی کورلانیب
سئونلر دایانیب داغلار بویوجا
کونوللر ساخلانیب نبی یولوجا
باهار گلیبدی وارلیق گورسه دیب
هر باهار اوزونی آیدین بیلله دیب
دوزوم حیصه سی آنلاما چاتیب
وارلیق مولکونه کیملیک سالدیریب
دوشونجه باهاری سویون آخیدیب
دوشونجه سویلاردا وارلیق یارادیب
ای نبی صون نبی کرمله وارسان
سویوموز دایاقین اوزون توتار سان
بیر سنین سلطه یین بوامت سئویر
طاغوتلار سلطه سین پوزوب اریدیر
***
قارداش ابوالفضل
اینـامی داغدان اوجــا سخاوت وارلیقی جا
آزادلــیقی ســاخلادا وارلیــق دایــاقی اولا
قارداشا قارداشدی بو وفاسی قورتولمویان
یــزید ده ایستیر بونی آمما بو آیــریلمئیان
نئجه قارداشی قــــویار ! یزیدی نن بواولا
اوچ گونلوک راحاتلیقا قارداشی یالقیز قالا !!
سقا لیقی آلیب دی قــــارداش بـــالالارینا
فرات دان سو ایستیری وارلیقین باهـــاسینا
یزیدی لر وعده ســی بونی آللادان اولماز
شیطانلارین حققاسی بونی اوزون نن قیرماز
وفـا دنیـزی اولــوب انسانلیــقی یــارادا
اویــره ده انــسانلارا وفــالارین ســـاخلادا
اهل وعـــیال طایفاسی حق یولونون فداسی
بو کـربلا چولونده قارداشین بایراق چی سی
قارداش شهید سروری بو قارداشدان دا قاباق
شهـادتین کورپوسون سالیب اوننان گئدا جاق
شــهیدلــرین مـقامی اوجـا بونـدا لاپ اوجـا
قـــارداشا افتخاردی محشر ده بــوننان اولا
گئــــدیر فراتا ساری تولوغی بو دولدورا
سوسیز لیـق آلاولارین جوجوق لاردا یاتیردا
آزادلیقین قاجلاری هر بیر یانی توتوب دی
اللـــــرینده قــیلینجی اوخ کمانی آلیب دی
شــهادت گر اولـماسـا آزادلیقین آلـیر لار
آمما بودیر ابوالفضل ، قاجلار بونی تانیر لار؟!
شـــهادتی آلاجــاق آزادلیقین ســـاخلادا
عقیـــده نــین یــولوندا قــــیامتین پارلادا
***
زینب اولماسایدی
شیطانلارین بالاسی میدانلاری تـوتوردی
سلطه لرین هر یئره بوتونلوکده سالیردی
زورلارینی سالدیریب حققی شوخوم ائدیردی
حقیقتین وارلیقی آغیزلاردا شــئشیردی
سویلارین کولتورلری اوندا الدن گئدیردی
سلطه لرین کولگه سی دائم لیـقا گلیردی
شهید لرین قانلاری اوندا یاتیب ایتـیـردی
خائنلرین وارلیقی اوستونلوکده قـالیردی
تانری وئرمیش پایلارا سلطه مــا لک اولوردی
شیطانلار سوی حقلـرین اللرین نـن آلیردی
باطللر حق ســوزوینــن آلقاشلاری توتوردی
تانری نی قالخان ائدیب شیطانلاری سئویردی
حسینین شهیدلیگی گیزلین لیـکده قــالمادی
کـربلا کــربلا ده ایــتگین لیکده اولمادی
زینبین وارلیقینان اورتوک داها قالمادی
یزیدی لر حققاسی یوللارینی سالمادی
زیــنب گر اولماسایدی عدالت ده یـاناردی
عــــدالت ایستیینلر یوللاریندا ایتردی
شیطانین یاردیـــملاری هر چاغلاردا اولاندی
اوزلــرین اوستون بیلن اونلاریــنان قـالاندی
دیل باغینی یانـــــدیران شیطانلارینان تای دی
سلــطه چی هر کیــم اولا او دا تالان ائدندی
دیل باغی دوشونجه یه یاردیمی نی سالاندی
دوشونجه پاســلی قالا ظالیم لره سینان دی
زینب گر اولماسایدی یــــزید حقی باساردی
سلطنتین گوجوینن مظلومی اودلاداردی
کونوللری باغلادیب حقیقـــــت دن سالایدی
ایکی اوزلــــی اولانلار حیـات دا پارلاناردی
زیـــنبین خــــطبه لری وارلیقلاری ساخلادی
یــزیدی لر وارلیقین داها آرتیق کورلادی
زینبین خطبه لـری چئوریــملری باشـــلادی
سـویلارین کــولتورلرین داها آرتیق قاتلادی
زینبین خطــبه لری آزادلــیقی آلدیردی
کــربلا نیــن وارینا حــیات واریــن پـایلادی
اوستونـــلوک تـــانری نیــن، تانری پایلادار
هــر کیــمی ایستــه سـه اونـی وارلادار
زورلــی لار زورون تـانــریدان آلــیر
عـــدالت وارلیقین اونــلار ســاخلامــیر
بـورادان ســـلطه لر دنــیالیق تــانیر
وفـــا سیز دنیایا، شـــرف کــورلادیر
شــرف سیز کیمســه لر کــولتور تــالادیــر
تــالانمیش اولانی آلـچاق تـانــیدیر
بـاطل ایــستک لـره حــقــقی گـیزله دیر
یــزید اوستونلوگون تانریدان بیلیر؟ !!
زینب دیر اونلاری اوستون تانیمیر
قیامت چاغلارین یادا سالدیریـر
زینب دیر یزید لر حققاسین آچیر
عدالت وارینی وارلیقا آلیـر
زینب دیر اوستونی حقده بللــه دیر
شهید لر وارلیقین دئییری گورسه دیر
***
اوزلوکونی تانیدا
باغلانمیش فیکر ده بئین پاسلانار
حق پالتاریندا سلطه آدلانـار
یاتانلار چالیشــماز داها دا یاتار
دیلی باغلی لار دانیشماز سوسار
شهادت یوللاری اســـوه آپــارار
نبی لر بالاسـی شـــهادت تــاپار
شهیدلر حورمتی اوستــون اولــوبدی
شهیدین ایســتکی سئویل قـالیبدی
تانرینی سئونی تانری سئــوه جـــاق
تانرینی سئونلر شـهید گئــده جــاق
شـهادت یوللاری پــارلاق لاشانــدی
زامــانلار ایچینده حــق وارلانـاندی
عدالت قاتلی شــیــطان اولانـدی
مامونلار ایستـکی حـق باغلاداندی
مامون ایستییر منصب سیــندیـرا
خیـانت یولون بــوردان سـالدیـرا
حققین یول بیرین سونرا داغیدا
حققین وارلیقی داها پـوزولا
امــام ایستیر اوزلوکـون تـانـیدا
اوزلــوکــده عـدالـت داها بــارلادا
بیلدیریری امام ، منصب ایـسته میر
باطل حــیات دا سئوینـجی وئرمیر
حق دیــر عدالتی ســئودیریر
شیطان یــولوندا وارلـیقی دئمیر
مامون سلطه سین دا آختاراندی
سوزوینن اولماسا زورا سالاندی
ئولوم بویاقین گورسه دیر
حکومت سلطه سین بــلله دیـر
عدالتین یولی وارلـــــیق ساخلادار
وارلــیق قــانینان عــدلی بــارلادار
قـان وئرمئینلر عـــدلی تـانید ماز
وارلیقــلارینی دئیری ساخـلاماز
دئــیریلیگ پایلاری تــانریدان
ارن قـانلاری حققین ساخلادان
شیعه یــوللاری امــام تــانیدان
شهیــد قانلاری آزادلیـق ســالان
عــدالت ولایــت بیــلله نیـب
سلطه وارلیقی شیطان بلله نیب
آلدانـیشـی حکومــت لر سالانــدی
حق پالتــارین باطل ده وارلادانــدی
بو گونلری مامـــون لارا سینـان لار
کیمـــلیک حققین سویلاریندا پوزانلار
نانکورلوقی جانلاریـنا آلــیب لار
کافرلیقـی بو یــولدا قازانــــیبلار
***


امام ایضانین
ایچه ری آنلامین اخلاق گورسه دیر
وارلیقی امــــامدا اخلاق بزه دیر
دانیشیقیندا امام برک دانیشماز
کیمسه سوزونی امــام دا کسمز
الین نن گلنی اسکیک قویمـــاز
مجلیسده قیچلارین امام اوزادماز
پیس دانیشیق ایشچی لـرینه دئــمز
آغیز سویون یئره امام توپورمز
قهقه باشلادیب سسین قوزاماز
فــضیلتده اونا تا ی اولماز
گئیمی امامین قالین اولاردی
گئیمی امامین یاخشی اولاردی
اشرافی یاشاما امام گیرمه دی
تجمل ایشینه یولون آچمادی
قدرت و ریاست گوزون توتمادی
ساده پالتار گئیب اوزون دانمادی
شخــصی ایشلرین اوزی گورردی
بـنده لیک تانریا بوتون ائدردی
سئویل یوللارین باشدان آتمادی
سئوگی یه آلقیشی دیلدن سالمادی
تانریا قوللوقی امام سئویردی
نامازدا اوروج دا سئوگی بیلیردی
***
امام باقر 2
بـــیلیم رنسانسین امام سالدیریر
سورغولار جاوابین امام یــایدیریر
بیـلیمی یاراندی دوشونوش سـالا
حقیقت وارلیقین آیدین پــارلادا
ا مــیه گــوجی بوچــــــاغ آزالیر
مللتین آغریسی داها آز قالیر
سینیر لار وارلیـــقی گئدیر اوزاقا
بــیلیم لر وارلیــقی چیخیر اورتایا
کربلا تانیقی اورتــــایا چـیخیر
وارلیقی ســاخلادیر حقیقت دئییر
کربلانی امام دورد یاشدا گوروب
حضــرت زینبین یوللاریـن بیلیب
امـام سجادین اویــودون آلــیب
ایگید لیک ارن لیک بیلیمین تاپیب
بیلیمین چئوریمین سالدیران اولار
گوروملر امامنان پــارلاق یول آچار
اسلامدا بیلیمین یوردون سالاندی
یولونی صادقین چاغی تــــوتاندی
فــیکیرلر وارینی صــافا سـالاندی
بیلیــم ده اوزونــه تانیق آلانـــدی
جــابر بــن یـــزید جــعفی وار
عـــبدالله اسفاری آییریسـی اولار
بصـــیرت تــاپانلار ایشیق آلارلار
امــامی بیـــلیم نـن تانید دیـرارلار
سیاسی وضــعیت عـوض اولوری
امـام اوز یولــونی پـارلاق سالیری
دانیشیق یاخشی بیر آلقاش یولونا
اسلامــی مــکتبی امـام تـانـیدا
جور به جورفرقه لرچاغیندا واردی
مرجئه قــدریه واریــــندا واردی
جــبریه خــوارج غلات دا واردی
اوزلـــرین او چـاغ دا حق تانیدیردی
بعضی سین سیاست یولا سالمـیشدی
مرجئه یــولونی اونــنان تاپمیشدی
قــــدریه انسانا آییری یول آچیر
انـساندا گورومــــی تانریدان تانیر
تـــــانریدان اختیار وئریر انسانا
یوللارین هاممی سی تانرینان اولا ! !
بـــونلارینان امام یولون آچدیریر
حق یولون مللته امــــام تانیــــدیر
بـاطلی یولوندا پارلاق گورسه دیر
امــامت بــایراقین حقده بیلله دیــر
***
امام حسن
کوثرین ایلکینه وارین سالــیب دی
مقدس وارلیقــدان وارلیق آلیب دی
فاطمه ینن علی وارین توتـوب دی
نبی نــــن امــام وارین دادیب دی
آتاسی باشچی دیر اوزی یولونـدا
آرتیریر کــــرامت سـویلار وارینـدا
ابراهیم وراثی ، محمد ین ایستکی
علی نین سونوندا بو دیر ایستـکی
سلطه نین حققاسین سیلن باریشی
ســـــاخلادیب شیعه نی اوز خریطه سـی
بــاریشیندا بـو جبهه نی بــیلدیریر
عــــدالت قاجلارین قاجلیقدا دئیـیر
بقعه سیز بقیع ده بونون اوبــاسی
بــاقرینن صادق اوردا قونـشوسی
بقیع ده وارلیقی آرام توتـوب دی
امامین یولونی قرآن سالیـــب دی
اورجلوق اون بئشی هجرتین اوچی
دنـیایا گوز آچیب نبـــی نـــوه سی
زهــــرانین اتگی بونی بویودوب
ائـــشیدیـــب قرآنی ازبری اولوب
بیر گون ایستیر آتایا آیه اوخویا
دیــلی تـــوتولور حــضوری بــابایا
بیلدیریر آتایا بویوک لــوقونی
وارلیقــی یانیندا تـوتولماقینی
نبی ده علاقه بـــونا بللی دی
نبی نین ایستـکی بــونا سـسلی دی
پیامبر سوزلرین بونا بیلله دیب
بهشتین سرورین بونی گورسه دیب
حسن رایحه دی دنیا گولون نـــن
بیــرلیکی ساخلادیب بـاریشیقین نان
حسن بیر گون نبی دالیندا اوتورور
مــــینماقا نبی نی مرکبی تــــانیر
نبی بیلدیریر اوستونده کی یاخشیدیر
نـــاماز دا دا اونـــی دالیندا ساخلیر
انــــس بیلدیریب ، نـــبی دئیب دی
کونول یئمیش آدینی اونا وئریب دی
بـــــیر گون یولوندا حسن گئدیردی
بیــرشامی سویوشون اونا دئییردی
سویوشون دئدی امام وئردی سلام
اونون غریب لیقین بیلدیردی امام
ســــویله دی ایسته عـــــطا ائیله ریک
سئون لری ایسته ، سنــــه وئــره ریک
قــــوولسان بیر یئردن دایاق ائده ریک
اولســـا حـــــاجتین روا قـــیلاریـــک
ایـــــــندی گــل سن قوناق اول بیزه
شامی ده آغلاماق گلــــــــدی گوزه
شــــهادت وئریب حسن امام دی
بــئله جـه قاجلارین یـــولا چـکندی
الـــــی آچـیق لیق، نقل تاریخ دی
یوخسوللارا یاردیمی، عــین وارلیقدی
آتــــاسی علـــــی شهید عدالت
حســـــن نن اونــا بئله روایــــت
آتـــاسینین یوخویدی قیزیل گوموشی
تکجـــه شـــرف اولمـــوشدی اونون ارثی
***
امام حسن عدالتی
بو دنیانین عجیبه ایشلـــری وار
گلیش گئدیش، یئریش لری وار
بیری گلیر وارلانیری بــــورادا
بیــری چـیخیر وارلارینان قالماقا
بیری یوخسول گوزون آچیردنیایا
بـیری واری تـاپمیر راحات قـالماقا
بیری گلیر سلطه لـرین سالماقا
هـر نـه لری اوز آدیـنا قویما قا
بیری ایستیراوزدیلینی ساخلادا
سویو موزدا آنــا دیلین کــورلادا
بیری گلیر عدالتی یـــاندیریر
اوز چاغیندا گوجسیزلردن باج آلیر
بیرایش گورور باج آلماقا یول آچیر
سون چاغلاردا آییری لارین تـالادیر
عومورلری بیتیر سونا چـاتیری
آمما اونون ظولمی هلـه قالیری
سویوموزون کولتورونی یـاندیریر
سنیق لیقی بوکولتوره سالدیریر
بدبخت بودی ظولمی قورتولمور اونا
گلن نسلین ظ ولمی یازیلیر بونا
معاویه اوزی خیانت ائــــــدیر
جنایتین یولون یزیده وئریر
یزید سالان سوچلارا او قاتیشیر
جهنمی بدبخت داواملی آلیر
جنایتین یـولی جنایت ایستیر
امام حسن بـونی قاباقدان بیلیر
امــام ایـستیر بئله یولی باغلادا
ایلغار ائدیـــر یزید خاقان اولمویا
شیـطان گلیر معاویه آللادیر
یزید اوچون خاقانلیقی خوشلادیر
معـــــاویه اونا یولون سالدیریر
ایلک ، امامی قاباقین نان قالدیریر
زهرله دیر او امامی ئولدورور
یـزید اوچون خاقانلیقی وئردیریر
بو یئریشی حقیقته سالیـرلار
حقیقتین وارین سوندا تالیرلار
هاممی ایشلربودونیانین باشینــدا
مـکافاتی قالیر سون چاغلاریندا
کولتوری یاندیران سویو یاندیریر
سلطه لرین سالان سونون کورلادیر
ئولوب گئدیر ظولمی اونا یازیلیـر
سون چاغیندا آلاولارینان قالیر
عدالتی توتون حقیقت گورون
سوی دیلینی وئرین عدالت گورون
عدالتدن چیخان شیطانا قول دیر
شیطانـا قول جنایتی سـالان دیر
***
امام صادق چاغی
صادق چاغی بیلیم یوردی یاراندی
چوخ رشته ده اویرنجی لر توپلاندی
هشام بن حکم لر، هشام بن سالم لر
دورد مین نن آرتیق داها اویرنجیلر
هره سی پارلاق بیلیمده بیلله نیب
بویوک ایشلر اسـلاما گورسندیریب
هشام بن حکم اوتوز بیرکتاب یازیب
جابر بن حـیان ایکی یــوزون یارادیـب
شیمی نین آتاسی جابر بن حیان دی
جابره بورجلی اولان ایندی بو اوروپا دی
هاممی فیکیر ایزلرین امام یاخشی تانیردی
شیعه لرین دورارین اونلارا تانیدیردی
امام بیلیم یوردوندا هر مکتبدن واریدی
اویرنجی لر امام نان هر بیـلیمی آلیردی
امام صادق چاغی دوشونجه بارلانیردی
کولتور لرده توتوشما شبهه لری سالیردی
بونا گوره بوامام شیعه نی تانید دیردی
فرقه لرین بــاشچی سین دانیشیقا چاغیردی
بیلیم دانیشیقلاری امامنان باشلانیردی
نظرلرین صـاحابی فـایدالاریـن آلیـردی
سورغولاری سوروشان جاوابلارین آلیردی
تئزه بیلیم ساحه سی بو چاغدا آچیلیردی
شیعه پایا لاری نین خیملاری برکیمیشدی
حضرت رسول اوزی خیملارینی توکموشدی
امام صــادق چــاغی پایالاری قوزانیر
جعفـری مذهب بوچاغ وارلیقا شهرت تاپیر
***

صادقین سیاسی حیاتی
فیـکیردن دایـانیب شیعه صادقه
عقیده بارلانیب اوننان شــــیعه یــه
اهل بیت حدیثـــــــی اوننان یایلیب
شیعه نین وارلیقی اوننان ساخلانیب
عراقـــــــدا بیر باش یاشام آپاریب
اوموی عباسی چـاغلارین دادیــب
بللی دیــــر شهادت اونا یول آچـیب
حکومت بئله جـه بویوروق سالیـب
ظاهیرده حورمتین منصور ساخلیری
گیزلینــده قتلینه فــرمان وئریری
چوخلی بیر علوی منصور ئـولدورور
قـاجلیقین حق اوچون اودا بیلدیریر
پرده لر دالداسی محرمــانه دیــر
مسموم اولماقلیقی بیر نشانه دیــر
امــامت شیــعه ده بلـــلی اولونوب
تانریدان اماملار ســـویا تـــانینیب
بیلیمـــین هاممی سـی اماملاردا وار
اماملار بیلـیمین قــرآن نــــان آلار
مالــــک بن انــــس اویرنجی اولور
امامــــین وارلــــیقین بئله تانیـدیر
بالاجــــــا بیر گولوش دوداقیندا وار
اوچ دانــا حالتــی وارلیقیــــنـدا وار
ناماز قیلماقدادیر یــا اوروج تـــوتور
یادا کـــی فــهمینن قرآن اوخـویور
الکی دانیشماق امــــامدا یــــوخدی
دسته ماز آلمامیش بیرچاغی یوخدی
امـــامین بیــــلیمی بللی اولموشدی
چاغلارین بیلیم نن وارا سالمیشـــدی
چوخلی اویرنجی لر باشینا یئغـــــدی
بیلیمــــین یوللارین اونلارا وئــردی
منصور ایستیر صادق اوزه چیخماسین
سیاســـی حیاتین اوزه ســـالماسیــن
سویلاردا احتــرام اونــا قالمــــاسین
بیلیم ده قاباق لیق یولون توماسیــن
ابو حنیفه یه ســـوزون بـــیلدیریــر
ایستکی نمنه دیر اوزون گورسه دیر
ایستیری آچیلماز دویـــون لـــر اولا
دویون لر آچماقا صـــادق ده قـــالا
قـــیرخ سورغی حاضیرلیر ابو حنیفه
حیره ده گلیری ســــوزلرین دئیــه
منصور دا اورادا حاضیر اولــــوری
سوروشماق تانیقی اوردا قالیــری
سوروشور هاممی سین ابو حـنیفه
ایستیری جاوابین صادق دن دئیـه
بیلدیریر اونلارا عقیده نـــــــدیر
مدینه اهلین نن آنلام نمنه دیــر
اوزونون نظرین دئــــــیری اونـا
قیرخ دانا سورغونی گلیری سونا
سوروشور بیلدیره که منده وارام
گورور سیز بیلیمی وارا سالیـــرام
بیـــــلدیریر جبری نن اختیاری او
یاشامدا گورور سن نمنه لردی بو
بیلدیریر آرا یـــول صادق اونلارا
جبری نن اختیار سالمیر حیـــــاتا
کـــــورلانما یوللارین امام تانیدیر
شیعه نین وارلیقین امام سـاخلادیر
***

امام صادقین علمی آثارلاری
بیرینجی نا مه سی دیر نجاشی والی اهوازا
دئیلیب دی عبدالله نجاشی رساله سی آدا
ایکینجی رساله دیر که صدوق اونـی یازیب
حصال کتابیندا سندی امـــاما چاتیب
اوچونجی توحید باره سینده مفضل دئیب
توحید مفضل آدینــدا بو دا آد لانیب
بحارالانواردا واردی هاممی ســی بوتون
تانری اثباتیندا دیر رد دهـــرییون
دوردونجی کتاب اهلیلجه روایت اولوب
بو دا بحـارالانوار دا یــــازیلیب
بئشینجی مصباح الشریعه و مفتاح الحقیقت
جامع الاخباردا چاپ اولوب ایکی بو حقیقت
آلتینجی سی او حضرتین رساله سـی
یولداشلارینا ، بیلدیریب بونی مرحوم کلینی
یئدینجی سی رساله سی رای وقیاس یولونا
سگگیزینجی سی رساله سی غــنائم وخمسا
تحف العقول دا بیلله نن اولــوب
وارلیقین سوزلــرین یازقییا سالیب
دوققوزونجی سی سفارشی عبدالله جندبه
اونونجی سی تاپشیریقی دیر ابو جـعفره
اون بیرینجی سی رساله سی شیعه لره
اون ایکینجی سی وصفی دیــراهل بیـته
اون اوچونجی سی رساله سی معیشته
اون دودردونجی سی رساله سی صوفیی ییه
والی اهواز اوچون یازدیغی نامه سی وار
عبالله نجاشــی رساله سینده آدی وار
***
شهادت واری
کونول سیخینتی لارین آپاران سیز سیز
وارلیق سالینماسینی سالدیران سیز سیز
سیــزلر تانریا یاخـــین لاردان ســـیز
بنده لیـــک یوللارین سالدیران لار سیز
تانری یانیندا چوخ سیــــنان سیز سیز
بنده لـــر ایــــچینده اوجالی سیز سیز
طاغوت لار وارینا توخونان سیز ســیز
تانریا باغلانان هاممـــی دان چوخ سیز
امامت جرگه سین سالدیران اولدوز
عدالــــت یازقی سین یازدیران اولدوز
شهادت واری تسلیت ایسته مـــــیر
سئوگی باغـلاری وارلــــیقی بیــلله میر
سئوگی یه وارلیقی فدا قیلــــدیرار
اوزلــــرین ســــئوگی یه بئله بـاغلادار
قووشماق ایستیری شهادت آلیـــر
شهـــادت یولوندا سئـــوگی سین تاپیر
شهادت قاپی سین عدالت آچیــــر
شهیــد لر دئیری دیر تانری پـــارلادیر
عدالت یولوندا موسی تانینیــــــر
شهـــادت باغـــین دا کاظم بـــارلانیر
***
امام ایضا وارلیق لاری
سر لاری بیلیردی آیدینا چیخمامیشدان
کونوللری دئییردی دیللره آخمامـیشدان
توده اینانمئیانی امــام ایناندیریــر دی
اینام لیقا آپاریب راضی لیقین آلیـردی
وشائ کوفی دئییر سئـــواللاریم واریدی
جاواب لارین امامنان گئدیب آلاجاغیدی
امامین اوباسینا گئددیم سوال سوروشام
آدام چوخ اولدوغونا مــنده نوبه ساخلییام
بوچاغ امام خادمی چیخدی منی سسله دی
الیاس بغدادی نین قیزی اوغـلی بـلله دی
بیلدیردیم چاغیــرانا وشائ مـنیم اوزومم
جاوابلاری آلماقا اوننان چوخلی سئوینجم
حیران اولدوم بو ایشه امامته اینــــاندیم
وقفی اولماق مذهب دن ، اوندا آیریلدیم
اماملاردان فضیلت سایماقا دیل قاصر دی
مبدا فیض امامدا بیلیم یولون آچیـردی سورغو اولان ، امــام لاردان سوروشدی
جـاوابینی آلینجا حق یولوینان باریشدی
مامون چوخلی سواللار ی ســوروشدی
هاممی سینا جاوابی امامین نان یئتیشدی
نامازینان دوزومنن امام یاشام تـوتوردی
عومورده وارلیق یولون بونلارینان گئدیردی
ولیعهد لیک آلاندا حب دنیا ســالمادی
آلتیندا کی حصیری یئغیب کنار قـویمادی
خلقین یولوندا حققی وارلیقیندا ساخلادی
مللتینن قووشـوب حورمت لرین وارلادی
حکومته قاتیشیب حـــکومته سیــنمادی
سلــــطه لـرین یولونی اوزلوکونه آچمادی
آلچاق کونوللوق اوندا توده لره بیلله نیب
توده لرده حورمتی امام اوچون بسله دیب
***
امامینان مامون
امامین شخصییتین مامون ایستیر کورلادا
شیعه آلای لارینی بو یولوینان داغیدا
درایتی امامین قویمور بو ایش باش تاپا
شیعه آلای لارینی امام ایستیر ساخلادا
اوزونی برکیدماقا مامون یول آختاریری
احتیاجین اماما بویولدا بیلله دیری
علویلر یئریشین یاتید ماقین ایستیری
عباسی لار باخیشین اوزونه آختاریری
قهری بیر یوللارینان بوایستکه چاتمازدی
شیعه آلای لارینی یئغیشدیریب پوزمازدی
دانیشیقین امامنان مامون بئله سالدیریر
خلافتی اماما چوخ دا لایق بیلدیریر
حضرت دئییر بنده لیک تانریا افتخاریم
شری اوزاق سالدیران لار منیم ایستک لریم
سوچدان اوزاق لاشماقی آرزومدا واریدی
تانری یاخین لیقلاری وارلیقلاریم اولایدی
مامون دئییر ایستیرم حکومتی آلاسان
بیعتیمی اوزوین من نن قابول ائده سـان
امام اونا بیلله دیر یالان نیــــت توتورسان
تانری وئرن پالتاری سن نئجه سویونارسان
اونی بیر آیریسینا اوز الین نن وئره رسان
اگر سنه حق دگیل بس نئجه پایلادارســان
سنه ربطی اولمویان زادی منه وئرر سان
منطقی بیر سوزوینن مامونی محکوم ائدیر
مامون خیاللاری نین ایستکینی بیلدیــریر
مامون ایستیر امامی یاخین لیقینا چــکه
سینیق لیقی یاخین نان بئله امامـــا وئره
ایستیردی منصبی نن مامون امام سیندیرا
وارلیقینی امامین منصـب لره باغــــلادا
منصبه باغلادماقدا گوجلرینی داغیــدا
یول بیرلرین ایچینده حورمت لرین آزادا
مامون یالان لارینان وارلیقین بیلله دیـر
حقیقت ده اوزونی حق وارینا گورسه دیر
بیلدیریری اماما زورلارینی سالاجـــــــاق
سوزلری نن اولماسا زوروینان یول آچاجاق
سوزلری نین دالیسین مامون بیر آز توتموری
سوزلری نین اوستونه آز چاغ آرا وئریری
گورور مامون امامنان اونا جاواب اولمادی
مامون گئنه سوزلرین امام اوچون باشلادی
بیعتیمی ایسته دیم اونا راضی اولمــادین
جانشین اولماق منه گره ک داها اولایــدین
حضرت اونا بیلدیریر آتالاری دئیب دی
عومور ورق لرینی ایام تئز راق بوکوب دی
مامون یالان آغلاشیر نئجه بو ایش اولاندی
مامون اولان ئولکه ده کیم بئله ایش سالاندی
مامونا حضرت دئییر بیلیر بوایش کیمیندیر
ایشی گورن کیمسه نین حتی آدی نمـنه دیر
مامون داها دوزموری اماما توهین ائــدیر
راحات لیقی آختاران سوزون اماما دئیـیر
فارسین شاهی اماما بئله توطـــئه ســـالیر
شخصیتده خاراب لیق سالدیرماقی باشلادیر
امام کرامتینن داغلار کیمـــی دایــانیر
مامونون پیس ایستکین دنیالارا قاندیریر
***

بعثت دن هجرته
یاتیب سان دور اویان تانری سنین دیر دایاقین
سویلارین ظولمون آپار داها پیامبــــــر اولانین
شرکین چوخ اوزلری وار اونلاری یو ســـویلاردان
سویلارین وارلیقینی ساخلاگینان قاجـــــلاردان
ایلک قاج شیطاندیر ساخلایش اولسون اوننـــان
شیطانلار کولگه سینی پاکلاگینان وارلیــــقدان
شیطانین شئشماقی دیراونـی سالدیردی گوزدن
تکجه اوزون حق بیلن سیلیر حقی ســـوزلردن
بوردا گیزلین چاغـــیریش بـــــاشلادیری محمد
مکه نیــــن گوجلی لرین بیــلله دیــــری محمد
شیطان ایلک شئشماقینان اوزونی اوستون بیلدی
شیطان اوز کولتورونی بنده لیگین خـوش بیلدی
شیطان اوستون اولماسین سویلارینــا بیلـدیردی
شیطان حق دن چیخمانی انسانلاردا سئــودیردی
شیطانی سیندیرماقا یول سالیـنیر هـــاردان هارا
بعثت دن هجرته یول سالینــیری وارلــیق قـــالا
تانری وئرمیش وارلیقی شیطان گره ک آلدادمئیا
بنـــده لیــک بنده لره تانری یازیب پوزولـــمویا
***
بیلدیریر سجاد
چوخلی ائدیب سجده سجاد اولــوب
بیلدیریب سئوگی دردین درمان آلیب
آیریلیق آغری لارین چوخ بیلله دیب
کونولون وارلیقلارینی دیـلله دیــب
بیلله دیر تانری نی یاد دان چیخادماز
سئوگی لر سئونلرین تانــری آتـماز
بو دعاینان آچدیریر تانری یولون
بو دعاینان گورسه دیر وارلیقلاریــن
بو دعاینان اوزلوکه پای ایسته دیـر
فطری پایلارحق یئرینی گورسه دیـر
فطرت انساندا وار اوزلوک بـیلیر
آیریلیق یوللاریندا یول گئد میر
هاممی اوزلر تانریا یولون آچــا
سلطه لر چادیرلارین باشدان ســـالا
سجده سینن ایستیر حورمت ساخلادا
تانرینین دایاق لیقیـــنی آلــدیرا
بو یولون خـاراب لیقی اولمویاجــاق
تقوانی سویلار بو یولدا آلاجــاق
تقوا دا کرامتی تانری وئــریر
اوزونی دانمئیانا بونی دئــییر
او یزید سلطه سیدیر داندیریری
آزادلیق بایراقینی اندیریــری
او یزید سلطه سی دیر قاج اولوری
سولاری وارلیق باغینا باغـــلیری
بیلدیریر سجاد نیازی نمنه دیـر
بیلدیریر سجاد نه لری ایسته دیر
بیلدیریر سجاد سئویل ده یارانـار
سئوگی سینن باغلی لیقی ساخـلادار
بیلدیریر سجاد طاغوتلار وارینـی
ئولکه ده توتوب دی تانری یئــرینی
سلطه لر وارینی پوزماق ایستیـــر
تانری نین رحمت دایاقلیقین دئـییر
***
باباسینان
گونـــش ماتمینه سوز دئیه لیــــم
گـــونشده اولماز که مـــاتم بیله لیم
گونش ساچلاریندا یول گئده لیــــم
یولـومی ایشیقـــلی یــولدا ائده لیم
بویولون گوزگولری نه گورسه دیـــــر
کیمسه نـــی بویولدا وارلی بیلله دیر
دوشونجه بایراقی بو یولدا اسیــــر
عدالت پارلاقـــی ظلـــمتی کسیــر
آخیم لار هاممی سی گلیر بولاقدان
یئتیریــر وارلیقـــلاری وارلیقـــدان
آزالماز وارلیقین نان وارلیق دئیــن
عدالت سئوگی سینه یول بیلله دن
سئویلین یوللارینی اوبیلله دیـــــر
کیمسه نی ایسته دیر اونی دیلله دیر
من طلب عشقنی دئییـــــری
سونرا دا قتلینـــه سئویـــل وئریری
هاممی سی عدالته پای وئر دیـریر
عدالت مولکونده وارلیق بیلــدیریر
گونشلر ساچلاری حقه باغلانیــــر
وارلیقین یوللاریندا حـــق آدلانـیر
شهادت یول آچیری وارلیـــقلارا
دوشونجه ایستیری حقـــقی ساخلادا
حسن اوز باباسینـــان ایـــشیقلانیر
ایکیســی عدالتیــنن آدلانـــیر
***
زینب قویماز
باطیل دئییر گورسه ده وارلاریــنی
حیاتیندا گوجلی اولـماق چاغلارینـــی
حققی نن دویوشی ایستکه سـالیر
دیله کده ایســـتکی اوزی بارلادیر
قوپاردیب قیردیریری قول بوداقین
آ زا لدیب یالقیزلادیر حققین وارین
باطیلین اویود چی سی شیطان دی
شیطانین آلدادیشی چوخ واردی
منصبی نن آلدانان اونا سینیر
حقیـــقت یایلارینی اونا ساتیر
فطری بیر پایلارینی باشدان آ تیر
آزاجــا بیر وارلانماق اوزون دانیر
انسانین فطرتی دوز یولی دئییر
تکامــل انسانلارا دوز یول وئریر
آلدانیش شیطانینان یولی آچیر
سویلارین کولتورونه آلاو سالــیر
باطیللر شیطانینان ال بـــیر اولار
اوستونلوک توتماقلیقا آددیم آتار
دیللری باغلادماق اولــسا باغلادیر
بوغاز لار کسدیرماق اولسا کسدیریر
آیه نی اوز فا یداسینا اوخـــویور
حق باشین طشت لر ایچینده اوینادیر
بی حیا ایستیری او حـــق بیلله نه
حقیقت وارلیقلاری گوزدن ایتــه
حسینین کسیلمیش باشیــنا دئییر
تانری دیر اوستونلوگی بیزه وئریـر ؟!
داها ساکت اولماقا یئر قـــالمئیب
زینبین خطبه لری حق آخیدیب
شجره نی بیلله دیــــر باطیله او
عنعنه نی گورسه دیر ظالیمه او
ظالیمین کفر ائتمه سین آیدین ائدیر
حقیقت گیزلتمه سین بللی ائدیر
آلدانیش سالماقلیقین بـــارلادیری
سویلارین کولتورونه نـور آچـیری
بیلله دیر ظالیمه قرآن اوخـــویور
قرآن نان وارلانماقین پــارلادیری
حق اودیر عدالتــی ساخـــلادیری
سویلارین کولتــور لرینی پارلادا
دوشونجه یوللارینی حـــق آدلادا
دوشونجه باغلارین نان کفر داغیدا
فیکرلر قایناقینی دیل آچـــدیرار
باغلی دیللر هارادان فیکر یئغار
یازقی سی اولماز دیله کیم آرتیرار ؟؟
***
عابد لرین زینتی
مدینه نه گوزل ایشیق تاپیب ســــان
مدینه نه گــوزل وارلیــق آلیب سان
مدینه کیملری آیدین لادیب ســـان
مدینه کیمـــلردن کدر تاپیـــب سان
مدینه وارلیقی سن ساخلادیب ســان
مدینــــه کـــرامت وارا سـالیب سان
مدینه شرفین تکجــــه بو بســـدیر
سنی نـــن کرامت بقیع ده سس دیر
سجاد دا وارلیقا سنـنن یارانـــــدی
حسینــین یولوندا اوزلوک قازاندی
امام سجادیــن دوغــــوم اوبــاسی
حضـرت فاطمه نین وارلیق اوباسی
مومن لر باشچی سی سجاد اولاندی
امامـت وارلـــیقین بو ساخلاداندی
شهادت سجادا یولــون آچانـــــدی
بقیع قبـــرستانـــی یئری اولاندی
ولید حققاینان مسموم ائیـــله دی
اوزو  

درج شده در تاریخ ۹۳/۰۳/۰۸ ساعت 23:53

کاربران آنلاین (0)