درباره من

باشچی
ایستک سسلری اولوسا اتحاف
بیلگین سویوما دعالار اتحاف
شافاق اولاندا کونول دیللنسین
دنیز سیلله سین ساحیلی یئسین
ایشیقلار چاتاندا دنیز تئز آلیر
دالغاسین ساحیله اوستون له سالیر
دامجیلار دالغادا جومور قوزانیر
فیکیر لر فیکیره باتیب بویانیر
گئرچکین ایشلرین حقیقت سئچیر
حقیقت وارلیقین توده لر دئییر
یوسفه زلیخا مئیلینی سالیر
تانری نین قایداسین کونوله آلیر
حققی اورتنلره دادی پیس اولور
آجیلیق آغری لیق اونلارا یاغیر
فیکیریمین ارخینی هارا آپاریم
سویومون وارلیقین نئجه ساخلادیم
یانار چیراقلار یاغین قورتاریر
ایشیقی یوللادیر ایشیق یول آچیر
پیس گوروم یاخشی دان بویاق قوپادیر
هر کیمسه اصلی نین یولون آختاریر
سوی یوکون اوزلری آپاران اولسون
گئدیشین یولونی خوش هامارلاسین
کیمسه نین دالیندا سوی یوکی قالماز
بئللرین سیندیرار ایستکه چاتماز
توده لر گوجلری یاردیما چاتار
سوی یوکون قالدیریب اوزی آپارار
تقوالی سویلاریم اینام ساخلادار
هاممی دان بیرلیکین گوجون قوپادار
ایستکین یوللارین گوجلر آپارار
ذیروه لر ئونونه گوجلر قالدیرار
گوجلرین دایاقی حقدن یارانسین
باطللر گوجلرین چکیب آپارسین
تانری نین اللری حققی نن اولسون
سویوموز تانریدان آرخالیق آلسین
کعب الاحبار بیزه اینام وئرمه سین
معاویه نی بیزه باشچی دئمه سین
ابوذرلر دئسین اسلام قایداسین
عدالت یوللارین ایشیق ساچماسین
کعب الاحبار دورار عثمان دالیندا
حقیقت یانیقلی قالار بویاندا
ابوذر بیلله در حکمت هایاندا
سویلارا اوجالیق وئرن اویاندا
***
 

درج شده در تاریخ ۹۳/۰۶/۲۸ ساعت 13:13

کاربران آنلاین (0)