درباره من

آیریلیق
آجــی بیر آیریلیق، باغلیلیقدا اولاندی
آجیلیق دادینـــی اولاد اوزی داداندی
جبری بیر یئریش دیر زامانینان گلندی
کورپـــه حیات یولوندا قوجالیقا گئدندی
کورپه یاشام چاغیندا دویغولاری بارلانیر
وارلیقلارینین باغی سولماقینا سازلانیر
فطری علاقه لرده بیر اولمـــــاقا آدلانیر
ایلگیلرین وارلیـقی بیرلیکلری نن قالیر
آیریلیق وار ایلگیلر وارلیقینی ساخلامیر
آیریلیق وار آنا دان آتا وارین نان اولور
آیریلیق وار آتادان کورپه لر گوز باغلادیر
آیریلیق وار ایکی دن بیرینی تکجه سالیر
آجی بیر آیریلیق وار کونوللرده قالانـدی
آجی لیقین دادلاری وارلیق لاردا اولاندی
فطری پایی قانمئیان تئز آیریلما سالاندی
بئله اولان آیریلیق پوزولمامیش پوزاندی
تانری یازان آیریلما یارانیش یوللاری دی
تانری دئین آیریلیق حققی نن اولمالیدی
تانری وئرن آیریلیق باغلی لیق سالمالیدی
آمما سلطه یازانی کـــــیمسه اوزی آلاندی
قانان اولان کیــمسه لر سلطه الین قیراندی
فــــطری پایلار واریــــنی گئنه اله آلاندی
***
هجرت
اصولی آیریلماق دیر اوزاقا یول سالماقدیر
قاجین الین نن چیخیب وارلیقا اینانماقدیر
گوجلیلیقی تاپـــانلار داواملیلیقی سالارلار
قورخــــولاری آتــــــانلار ایناملاری تاپارلار
اسکیکلیقدان چیخانلار آغریلاردان چیخارلار
مسئولیت تــــوتانلار اختـــــیاری دادارلار
گوجلی بیر امتـــــلرین قاجلاری دا بیلله نر
وارلی بیر ئولکه لرین دوشمنلری گورسه نر
خاصیتی اولمــویان دایانیشین سالدیرماز
سینیقلاردا قالانــلار قاجلارینان توققوشماز
سلطه لری سیندیرماق دایاقین دیننن آلار
عدالتین سوزلــــرین ایلک تانریدان دادار
یئریشلری سالدیران طاغوتلاری سیندیرار
زامانلارین ایچینده ئولکه سینه چالـــــیشار
قاجلارین یاردیملارین بیر بیرین نن آیریدار
سلطه سیندیرماقینان چئوریمی دا آچدیریر
قاجـــا فرصــت وئرنلر اوزلرین سیندیرارلار
قاجدان کولتوری دادان اوزلرین داغیدارلار
شوونیزمین فـــیکیری بئینلرده قالماسین
عدالتین یـــوللاری شوخوملیقی توتماسین
هجرت آچان یوللاری سویلاریمیز ساخلاسین
قاجلارین سیندیرماقا هجرتلرین ساخلاسین
***
 

درج شده در تاریخ ۹۳/۰۸/۰۸ ساعت 16:33

کاربران آنلاین (0)