شعر ترکی در مورد آتا و آنا

«آنا »

من آنا مین گویده آچیخ ، اللرینه بیمی یم
نیمه ی جانیمدی آنام ، منده اونون نمی یم
شیره ی جانلان گئجه گوندوز بئجریبدور منی
منده کی بو قلب روفینده یانان هیمی یم
یم کیمی جوش گون لودی ، توفاندا تلاطمده دی 
تا که منی گورمیه بیر لحظه ، سراسیمی یم
گول اورگی ، ناز اتگی ، خیمیه ی عشقیمدی من 
ساکن وابسته ی ، دلبسته ی بو خیمی یم
رسمیدی عالمده کی گنج اوسته  امین پاسبان 
عمر خزائن ، آنا گنج ، منده زرو سیمی یم
شام وسحر وار گوزی اوستومده نگهبان کیمی
گوزلِیوری تا کی بیر آن غم  لباسین گِئی مییم
تاب ائلمز گوزلی یر آفت گونی باغبان گولون
غم   یِمَرَََم « رایت » هله ساغدی آنام بیمی یم

اتا

هر بیر ائولاده شرف شهرت ایله شان آتادیر

باشا تاج ، قلبه چؤره ک ، تخت سلیمان آتادیر

حؤرمتین ساخلاگینان دائما عالمده اونون

چونکو دونیایه سنی بخش ائده ن انسان آتادیر

شاه دا اولسان یئنه یوخ ذره قده ر فرقی اونون

دردلی سن ،سن اونو بیل دهر ده لقمان آتادیر

بوتون ائولاد وطن دوستون اولا هر یئرده

یئنه پیس گونده سنین دردینه درمان آتادیر

توتماز، ائتسه قارقیش آنا گر ائولادی

ناله سی له ائیله ین کویونو ویران آتادیر

آی دوستلار اؤز یئری واردیر آتانین ائولادین

نه قده ر آرتسادا ائولاد یئنه سولطان   اتادیر

منبع:

http://msz.vcp.ir/28129-%D8%A7%D8%B4%D8%B9%D8%A7%D8%B1-%D8%AA%D8%B1%DA%A9%DB%8C/184398-%D8%B4%D8%B9%D8%B1-%D8%AA%D8%B1%DA%A9%DB%8C-%D8%AF%D8%B1-%D9%88%D8%B5%D9%81-%D9%BE%D8%AF%D8%B1-%D9%88-%D9%85%D8%A7%D8%AF%D8%B1-%D8%A2%D8%AA%D8%A7-%D9%88%D8%A2%D9%86%D8%A7.html