ائللر یاشاسین

دالغالار اؤزونو چیرپیر یالچینا

آرخاسین دولدوران سئللر یاشاسین

اوزولور ساحیله هر قاریجیندا

جان وئریر قویلانیر گؤللر یاشاسین

خزان یارپاقلاری بوراقدان آسیر

تؤکولن شاختانین قاباغین کسیر

خزللر چیچه یی باغرینا باسیر

دئییرلر نئیلک قوی گوللر یاشاسین

داش اوره ک بوزلارا باخ بیله بیله

داغلاردان اریییر قوشولور سئله

دومان چیسکسن اولور ساورولور یئله

اؤزلرین اؤلدورور چؤللر یاشاسین

بیزده گیزلنمیشیک اؤز قینیمیزدا

داماردا سورونور آل قانیمیزدا

قرنفیل قان قوسور هر یانیمیزدا

قورخا قورخا دئیک ائللر یاشاسین

یوسف جوادی