Turk0241.blogfa.com
ــــــــــــــــــــــــــــــــــــــــــــ

ایفتیخاریم تــورکـــ دیلیمدی

ـــــــــــــــــــــــــــــــــــــــــــــ

من دیلیمی قوجاقلارام، حؤکمو اگر دار اولسادا
من کوسه رم عؤمور بویو فارس دانیشان یار اولسادا
تورک دیلی دیر منیم دیلیم، ،دیلیم دیلیم منیم دیلیم
آیری دیل ایسته مز بوغاز ایپ سیخیلیب دار اولسادا


ــــــــــــــــــــــــــــــــــــــــــــ


تورکون دیلینه دادلی پتک بال دئسم آزدی
یوخ یوخ بالی سات، گل بو دیلی آل دئسم آزدی

سن اوز دیلینی بنزه دیسن بولبوله بنزت
منده دیلیمه زیروه ده قارتال دئسم آزدی

بیر تازه گلین تک گوزل اولسا دیلین اولسون
منده گلینه جلوه وئرن شال دئسم آزدی

سن اوز دیلینه زولف دئنن خط دئنه، منده
آغ اوزده یاتان دوزلو قارا خال دئسم آزدی

بو دیل دئییل، بیردادلی شیرینلیکدی آغیزدا
هرلحظه آغیزدان آغیزا سال دئسم آزدی

آی نازلی دیلیم "فانی" اولورسام گئدرم من
مندن سورا مین ایل باش اوجا قال دئسم آزدی

ــــــــــــــــــــــــــــــــــــــــــــ


شاعرم ،تورکم ، اوزوم زنگانلی یام

بیر زامان فکر ایتمیین لبنانلی یام

باخمیین ظاهرده یوخدور بیرزادیم

سفره سی صابر کیمی احسانلیام

قان گیدیب مندن اینان تاریخ بویو

اوز گوزو بابک کیمی آلقانلی یام

اولموشام چوخدان حقیقت جارجیسی

اول جهت دن من باشی طوفانلی یام

آیری عیبیم یوخ منیم بو اولکه ده

بیرجه فخریم وار، آزربایجانلی یام

نافذ ( احمد صادقی )
ـــــــــــــــــــــــــــــــــــــــــــــ